MISHĀN 4:32 - Kathara Bible (BSI)

³² kala yāngkhup kuimareida khalei pakra̱bing eina apheibing, kala thingshun eina chiwui khara̱bing kala chili shikachin ot saikora athumna phungra; kala nana athumna phungki kaji otmingbing chitheira.

MISHĀN 4:32 Iomraidhean Croise

1 THOTRINCHĀN 9:29

Khangateibing china, pamkhong kathā, kathara khorkhong saikora, kala khamanaka mathir, drakhāra̱, thao, nganamkaphāphā otyur, hibing hi yangkhavai kapangkhui.

SHONGZĀ 25:9

Tabernacle sākhavai kala chiwui thongthāng, hithāda saluda ina nali chithei kahai athishurda nana chithāda sāra.”

SHONGZĀ 27:9

“Nathumna tabernaclewui yāngkhup sākhuira. Azingshongwui yāngkhupli hokthāng khavai, manakta hākakhui kazaira̱ chonsāwui chonrān khuining shākha sangda arāp akhashong sāsangra;

SHONGZĀ 38:17

Kala pākra̱ apheibing chi pithrai eina sai, kha hokkhui khavai khānghui eina masa̱ khavaibing chi lupāsā eina sai; athingbingli romkhavai chila lupāsāna, kala yāngkhupwui pākra̱li masa̱khui khavai saikora lupāsā eina sāsera.

SHONGZĀ 38:21

Ithamar, pāngmon, Aaronwui naomayarana thānda Mosesna Levi shangli kasoda shākhangasak tuingashitwui tabernacle kasāli kazang otyur mashing chi hina,

MISHĀN 3:36

Kala Merariwui naomayarabingna sāki kaji otngarut tabernaclewui akombing, khamakharbing, pakra̱-pakrā, nganing khavai apheibing, kala chiwui ot ayur-ayā katonga zangra; otngarut saikora hi otbing hiwui vangna;

MISHĀN 3:8

Athumna kazip khavai kachonshimwui thongthāng saikora yangranu, kala tabernacleli otram khangatha̱ thāda Israelnaobingwui vang ngachonranu.

MISHĀN 4:31

Kala athumna kazip khavai kachonshimli otram khangatha̱li tongda sāki kaji chiya: taberbaclewui akombing kaja chiwui khamakhar pakra̱bing eina apheibing,

MISHĀN 4:33

Hi pāngmon Aaronwui naomayara Ithamarwui azingli Merarishi shangna kazip khavai kachonshimli sāki kaji otngarutbingna.

MISHĀN 4:49

Prohona Mosesli kaso kahai athishurda ashi mi ava̱va̱li kachichāwui otngarut, otram lah ot phungkazat athumli kapangsanga; hithāda Prohona Mosesli kakaso athishurda ana athumli shānkhuihaowa.

MISHĀN 7:1

Mosesna tabernacle khaningkāda chiwui thongthāngbing saikora thao neolaga tharchigatta, kala hanphut chiwui khorkhongbing saikora thao neolaga tharchikatthang,

MISHĀN 7:8

kala seigari mati kala mukkā chishat, pāngmon Aaronwui nao Ithamarna khayanga Merariwui naomayarabingli, athumwui otngarut athishurda mihaowa.