MISHĀN 4:15 - Kathara Bible (BSI)

¹⁵ Kala Aaron eina naomayarabingna katharapam eina chiwui thongthāngbing chi shaksākuphaida athum zatuki kaji tharan Kohathwui naomayarabingna chi ngava̱ra, kha athumna kathara otbing chili masāza̱paimara, kaja athum thipaishina. Kohathwui naomayarabingna khuiphungki kaji kazip khavai kachonshimwui otbing chi hina.

MISHĀN 4:15 Iomraidhean Croise

2 SAMUEL 15:24

Kala Abiatharla rāda, yanglu, Zadokla Levi saikora ngasoda Varewui tuingashitwui oko chi phungrāda, mi kachiva̱ keinung makānranglakha eina tangda Varewui ningkhami oko chi haizangda ngaraikhui.

2 SAMUEL 6:13

kala athumna Prohowui ningkhami oko chi phunglaga ngasām tharuk kakhui eina, ana mukkā akha eina asā kaphā seinao akha da pha̱phayai.

1 WUNGNAOBING 8:3

Israelwui ararbing rāserda pāngmonbingna oko chi akhui.

1 THOTRINCHĀN 15:15

Kala Prohowui tui Mosesna kakaso athishurda Levinaobingna Varewui ningkhami oko chi thingphān sanglaga athum yartuili ngava̱ ngasaka.

1 THOTRINCHĀN 15:2

Kala Davidna hānga, “Levinaobing maningla Varewui ningkhami oko khipānakha maphungpaimana, kaja Prohowui ningkhami oko chi phungkhavai kala otram ngatha̱ching khavai Prohona Levinaobingli kapangkakhuina.”

1 THOTRINCHĀN 23:26

Chiwui vang eina Levinaobingna tabernaclela, kala otram ngatha̱ khavaila phungung phungvā sākhavai maleiluimana.”—

SHONGZĀ 19:12

Kala nana mibingwui vang kuimareida leirin akha khānhailaga hānglu, ‘Ningngasharlu, phungreili makāpaimara, lah leiretlila masāza̱paimara; phungreili sakaza̱a mi chili chithitra;

SHONGZĀ 19:21

Kala Prohona Mosesli hānga, “Proholi yangkida athumna manamzang khavai zanghāngmachinlu, chi maningakha mi kachungkha thihaipaishina.

SHONGZĀ 27:7

Kala thingphān chi akhui chieina thara̱sangra, chithāda thingphān chi ngava̱kazat tharan hanphutwui lākharipta pithraikhuili shongkhuipaira.

PĀNGMONSHI 16:13

kala nganamkaphā chi Prohowui mangāli khalei meili sangda, meikhut eina ningkhamitungli kahai lukhamashan pamkhong chili ngaphuiphin ngasakra; chi maningakha ala thipai;

MISHĀN 1:50

Kha Levinaobingli ningkhami okowui tabernacle chiwui thongthāngbing kala chili khalei saikora chi yangkhavai kapangsanglu. Ashina tabernacle phungzatra kala chiwui ot saikora ashina yangpamra kala chiwui kuikhamareili ashi pamra.

MISHĀN 1:51

Zatusa jiakha ashina pheikhuilaga phungzatra; kala vākhangasāmpamli ashina vākhaningkāra. Kala kachikathā ayarwui mina rānganaiakha chipāli shaothatra.

MISHĀN 10:21

Chiwui thili Kohathnaobingna kathara otbing phunglaga zatuwa, kala athum marāshungranglakha tabernacle khaningkāhairasai.

MISHĀN 18:3

Athumna nali kala kachonshimli otram khangatha̱bing saikorali ngachonmira; kha athum katharapamwui khorkhongbing, lah hanphutli manganaipaimara, nala athumla thipaishina.

MISHĀN 3:38

Kala tabernaclewui mangā zingshoshongwui rāmrahli khaleibing, kazip khavai kachonshimwui mangāli Moses eina Aaron kala naomayarabingna, Israelnaobingwui vang athumna katharapamli otram ngatha̱mira; chili rākhanganai mi chi shaothatra.

MISHĀN 4:14

kala athumna hanphut chiwuitungli shikachin thongthāng saikora chiya: meiyaikhongbing, marik-kapei, kala kapeibing, kala khongsai, hanphutwui akhongbing saikora haira; kala mehui eina fakhamhaida thingphānbing chi phonra.

MISHĀN 4:19

kha athumli hithāda sālu, kaja athumna katharapamli kazang chitharan vānganaida mathila ringra: Aaron kala naomayarabingna alungli zangda athum kachiva̱wui otsin eina otphunli kapangsangmilu,

MISHĀN 4:20

kha athumna alungli zangda kathara otbing chili mik khayipkha eina tangda mayangpaimana, chithākha thira.”

MISHĀN 7:9

Kha ana Kohathwui naomayarabingli khikha mamimana, kachiwui vang jilaga ashina kathara otbing singda yārtui eina khangava̱ ot sai,

KHALATLUI 31:9

Kala Mosesna ain hi kapikhuida Leviwui naomayarabing Prohowui tuingashitwui oko phungkazata kala Israelwui khararnao saikorali horsangmi.

JOSHUA 4:10

Kaja Mosesna Joshuali kaso kahai athishurda Prohona Joshuali sāluda kaso kahai saikora makupranglakha eina tangda oko chi khangava̱ pāngmonbingna kong alungthung chili nganinga. Mibingna katotsisi eina makānkai;

1 SAMUEL 6:19

Kala athumna Prohowui okoli yangkakāwui vang ana Beth-shemehwui mi kaikha sāthathaowa; ana mi hangshini sāthata; Prohona mi kachungkha sāthat kahaiwui vang mibingna chapngachai.