MISHĀN 34:5 - Kathara Bible (BSI)

⁵ kala Azmonwui eina thari chi Egypt kongrāvāk ngareiunglaga shamadruli ungtangra.

MISHĀN 34:5 Iomraidhean Croise

HAOKAPHOK 15:18

Chithang Prohona Abramli tuingashit akha sāda hānga, “Nawui naotunbingli Egyptwui kong eina thuilaga kahaka Euphrates kong vāshungda ina khamina,

1 WUNGNAOBING 8:65

Chithāda Hamathwui zangkhavaiwui eina thuilaga Egyptwui Kongrā vāshungda Israel kachungkha kazipta Solomonna shinithang zātkhān sai.

ISAIAH 27:12

Chithanghon, Euprates kong eina thuilaga Egyptwui kong tāshungda Prohona zaira kala nathumli ava̱va̱ eina kazipkhuira, O Israelwui mibing.

EZEKIEL 47:19

“Azingshong, Tamar eina thuilaga Meribath-kadeshwui tara̱ vāshungda, chiwui eina thuilaga Egyptwui Kong pharonda Great Sea vāshungra. Hi azingshongwuina.

DANIEL 11:45

Kala ana awui kachonshim shamadru eina kathara kaphungwui ngachaili sākāra; kha chithālala awui khangachang atam rāra, ngachonmi khavai khipākha maleisāmara.”

JOSHUA 15:4

chiwui eina Azmonli vai, laga Egyptwui Kong chi eina vāshoka, kala chithāda shamadruli vātanga. Hi azingshong athumwui tharina.

JOSHUA 15:47

Ashdod, chiwui keinungbing kala chiwui kha̱bing; Gaza, chiwui keinungbing kala chiwui kha̱bing; Egypt kong kala Great Seawui eina shamadrupheili khaleibing.