MISHĀN 32:32 - Kathara Bible (BSI)

³² Ithumna Prohowui mangāli raisāri shaksāda kānlaga Canaanwui ngaleili zangra, kha ithumwui shimlui Jordan hivāk leira.”

MISHĀN 32:32 Iomraidhean Croise

PĀNGMONSHI 14:34

“Ina nathumli mikahai Canaan ngaleili khavā chitharan, nathumna kapapam chiwui shimli ina phārrei kazā ngasakakha,

MISHĀN 32:19

Khikhalajila Jordanwui lākhavāk kala kānkālaga athumli ngasoda ithum mapammara; kaja ithumwui shimlui Jordan makānkāla hivāk zingshoshong leikahaina.”

MISHĀN 32:31

Chieina Gadwui naomayarabing kala Reubenwui naomayarabingna ngahānkai, “Prohona naraobingli kaso kahai chithāda ithum sāra.

MISHĀN 32:33

Chieina Mosesna Gadwui naomayarabing eina Reubenwui naomayarabing kala Josephwui nao Manassehwui shang tangkhaili Amorwui awunga, Sihonwui wungram kala Bashanwui awunga, Ogwui wungram, keinungbing kala leiretbing eina ngasoda mihaowa.

MISHĀN 34:15

Shang khani kala shang tangkhai chi zingshovāk Jordan ngalemli khalei Jericholi athumwui shimlui samphang kahaina.”

KHALATLUI 1:1

Jordan kong kānlaga, Arabahwui lamhāngli, kaja Suphli kāroda khalei Paran kala Tophel, Laban, Hazeroth kala Dizahabwui ngachaili leilakha Mosesna Israel saikorali kahāng tuibing chi hina.

KHALATLUI 29:8

athumwui lam chi ithumna khui, kala Reubennaobing, Gadnaobing kala Manassehbingwui shangbingli ngayarmi.

KHALATLUI 3:12

“Atam chitharan ithumna lam hi kakhui eina, ina Reubenshang eina Gadshangli apam mida chiwui leiret chi Arnon tampāk ayārli khalei Aroer eina thuilaga, Gilead phungrei ngalei ngakaipak, kala chiwui alungli khalalei keinung zangserlaga miya.

JOSHUA 12:1

Chitharan Israelwui mibingna Jordan makānda zimikshoshong Arnon tampāk eina thuilaga Harmon Kaphung vāshungda, kala zingshovāk khalei Arabahwui ngalei saikora yuikahai ngaleiwui awungabing, kala athumna khui kahai ngaleibing chi hina:

JOSHUA 12:6

Prohowui rao Moses, kala Israelwui mibingna raili athumli yuihaowa; kala Prohowui rao Mosesna ngalei chi Reuben shang, Gad shang, kala Manasseh shang tangkhaili shimlui sākhavai mihaowa.