MISHĀN 32:29 - Kathara Bible (BSI)

²⁹ “Kalikha Gadwui naomayarabing kala Reubenwui naomayarabingna Prohowui mangāli raisāri shaksāda nathumli ngasoda Jordan kānlaga nathumwui mangāli khalei chi yuikhuimiakha, nathumna Gilead ngalei athumwui shimlui sākhavai mira.

MISHĀN 32:29 Iomraidhean Croise

MISHĀN 32:17

kha ithum raisāri shaksāda Israel mibingwui rai mangāli ithum zatra kala ngalei chili athumli machipamranglakha eina tangda rai ngararra. Kala ithumwui naongarāli ngalei hiwui mina masāza̱ khavai raipan sākahai keinungli chipamhaisāra.

MISHĀN 32:28

Chieina Mosesna pāngmon Eleazar eina Nunwui nao Joshua kala Israel shangwui shimkhur akhavābingli khangashit apong chili kasoda hānga,

MISHĀN 32:30

Kha athumna raisāri sāda nathumli ngasoda makānrarakha, athum nathumli ngasoda Canaan ngaleili pampapamra.”

JOSHUA 12:6

Prohowui rao Moses, kala Israelwui mibingna raili athumli yuihaowa; kala Prohowui rao Mosesna ngalei chi Reuben shang, Gad shang, kala Manasseh shang tangkhaili shimlui sākhavai mihaowa.

JOSHUA 13:11

kala Gilead, kala Geshurnaobing eina Ma-acathnaobingwui ngalei, kala Harmon Kaphung saikora, kala Bashan eina Salecah vākashung saikora;

JOSHUA 14:3

Kaja Mosesna shang khani laga tangkhaili Jordan lākhavāk ngayarmi; kha Levinaobingli shimlui mamimana.

JOSHUA 18:7

Levibingna nathumwui alungli shimlui masamphangmara, kaja Prohowui pāngmonpam hi athumwui shimluina; kala Gad kala Reuben kala Manassehwui shang tangkhaina Prohowui rao Mosesna mikahai athishurda zimikshoshong Jordan kānda shimlui samphanghaira.”

JOSHUA 22:9

Chieina Reubennaobing, Gadnaobing kala Manassehwui shang tangkhai athum shim hanunghaowa, Canaan ngaleiwui Shilohli khalei Israel mibingwui eina pakthuihaowa, Prohona Mosesli kaso kahai thāda athumna samphang kahai athumwui ngalei Gileadli hanunghaowa.

WUNGVA̱-WUNGVĀ 10:3

Awui thili Gileadwui Jairna kum maga̱da khani munga.

1 SAMUEL 18:17

Saulna Davidli hānga, “Inao ngalāva̱ kharara, Merab leili; ali napreiva̱ sākhavai ina mira; iwui vang marākta kala pingda Prohowui rai ngararmalu.” Saulna hithāda phaninga kaja, “Iwui pāng awuitungli maparmara, kha Philistinenaobingwui pāng eina sathatranu.”