MISHĀN 32:12 - Kathara Bible (BSI)

¹² Jephunnehwui naomayara Caleb eina Nunwui naomayara Joshua animāng zangra, kaja anina ili ningtongchaoda shura.’

MISHĀN 32:12 Iomraidhean Croise

LAA 63:8

Imanglāna nali shaitita; nawui yāpangna ili singmi.

MISHĀN 14:22

iwui tekhamatei kala khudam Egyptli kala lamhāngli ina chithei kahai chi theilala ili tharā shida chāng yangda kala iwui tui manganāsang thuda,

MISHĀN 14:24

Kha iwui rao Calebna ngateihang kahai ning leida ili shurchao kajiwui vang, ana ayang kahai ngalei chili ina zangngasakra, kala awui ara̱-azāna ngalei chi samphangra.

MISHĀN 14:30

Jephunnehwui naomayara Caleb eina Nunwui naomayara Joshua maningla khangatei khipākha ina nathumli pamngasakra da ngashit kahai ngalei chili mazangmara.

MISHĀN 26:65

Kaja Prohona athumli hānghaisai, “Athum lamhāngli thihaora.” Jephunnehwui naomayara Caleb eina Nunwui naomayara Joshua maningla khipākha mashākmimana.

KHALATLUI 1:36

Jephunnehwui nao Calebmāngna kathei samphangra, khikhalajila ana Proholi ningtongda shura chiwui vang ana phei naisang kahai ngalei chi anao ngarāli ina mira!’

JOSHUA 15:17

Chieina Othni-el kaho Kenazwui naomayara, Calebwui agatona yuihaoda, ali anao ngalāva̱ Achsahli ngakum ngasakhaowa.