MISHĀN 31:2 - Kathara Bible (BSI)

² “Midiannaowuitungli Israelwui mibingna athut khuingasaklu; chiwui thili nali nawo nayiwuili khuiunghaora.”

MISHĀN 31:2 Iomraidhean Croise

HAOKAPHOK 15:15

Nava chingri eina nashāvā ngarāwui ngalemli vāra; rarlak kahai atamli mathālak eina chifara.

HAOKAPHOK 25:17

(Ishmaelwui mirin kum shākha thumrāda shini ringlaga thihaowa, kala awo ayili vāhaowa).

HAOKAPHOK 25:8

Abrahamna rarlak eina thida awo-ayiwuili vāhaowa.

SHONGZĀ 2:16

Chitharan Midian pāngmonwui naongalava̱ shini leisai, athumna avāva̱wui yaoshangli tara̱ shiman khavai reija̱ chipemkida tara̱ sokkhavai rārāsai.

ISAIAH 1:24

Chiwui vang eina Proho, saikorawui Proho, Israelwui Pangshapa china hānga, “Ah, iwui malungkhavāt iwui yangkashibingwuitungli tāraphalung, kala iwui pheiva̱bingli I khalattana athut ha̱ngsangra.

NAHUM 1:2

Proho hiya mikpaishikatha kala athut kakhuiana, Proho hiya athut kakhuia kala lungvātkashena; Proho hiya ali khangasungbingli athut khui, kala awui malungkhavāt yangkashebingli leichinga.

MISHĀN 20:24

“Aaronli awui awo-ayiwuili khuiunghaora, kaja Israelwui mibingli ina ngashit kahai ngalei chili a mazangmara, khikhalajila Meribahwui tara̱pamli nanina iwui kakaso chi masāla ili ngakaishihaowa.

MISHĀN 20:26

Chili Aaronwui sāri raikhuilaga Eleazarli sangmihaolu, kala Aaronli awui mibingwuili khuivāhaora, a chili thihaora.”

MISHĀN 25:1

Israelna Shittimli leilakha mibingna Moabwui naongalāva̱ khayorabingli khangasowui otsakli zanga.

MISHĀN 25:6

Kala yanglu, Israelwui mi akhana Midianwui sha̱nao akha ashi shimli khuiunga, khuikhaung chi Moses kala Israel yarui ashangva̱ kazip khavai kachonshimwui khāmongpheili athumna chapngachāda leilakha katheina.

MISHĀN 27:13

Kala nana ngashānkhui kahaiwui thili nalila Aaronwui thāda nawo nayiwui pamli khuiunghaora,

MISHĀN 31:1

Prohona Mosesli hānga,

MISHĀN 31:3

Kala Mosesna mibingli hānga, “Mibingli raisāri shaksā ngasaklu; chieina athumna Prohowui vang Midiannaoli athut hāngsangmira.

LUKE 21:22

Kaja kathara lairikli kapi kahai tui chi ungshung khavai athut kakhui atamna.

OTSAK 13:36

Davidna awui thotli Varewui kharin chi ungshung ngasakhailaga thihaowa, kala awui avāva̱ ngarābingli ngasoda chizana kala aphasā shuitāhaowa.

ROMNAO 12:19

Leikashebing, athut makhuilakalu, kha Varewui malungkhavāt eina vairanu, kachiwui vangkhala kaja hithada kapihaida lei, “Athut kakhui chi iwuina, ina athut hāngsangmira da Prohona hānga.”

ROMNAO 13:4

Kaja ava nawui phākhavaiwui vang ot sāda khalei Varewui raona. Kha makaphā ot sākha ali ngacheelu, khiwui vangkhala jilaga tandi mikhavai pangshap chi awuina. A Varewui raona kala makaphā kasābingwuitungli Varewui tandi chi ana mi.

KHALATLUI 32:35

Athut kakhui kala hankhamela ina, kaja athumwui phei nganaiki kaji; athumwui kumshāt rāki kaji nganaihaira, athumwui kashimān thākta rāra.

KHALATLUI 4:22

Kaja I ngalei hili thisangphalunghaora, I Jordan makānmara; kha nathumna kankāda khamathā lam chi samphangra.

1 THESSALONICANAO 4:6

Khipākha hiwui pongli achināli khalāng masāpaimara, kala hikathā khalanga mili Prohona kashong lāngra da nathumli rida hānghaira.

HEBREWNAO 10:30

“Athut kakhui chi iwuina; ina hāngsangmira,” da kahāngapa chili ithumna thei; kala hithadala hānga, “Prohona awui mibingli bichar sāra” da kahāngpa chi thei.

PHONGKHAMI 18:20

Awui kashimānwui vang mathānlu, He Kazingram! Mathānlu, He katharabing, paokazatbing, marānbing! Nathumwui vang Varena ali mashun bichar sāmihaira!

PHONGKHAMI 19:2

awui bichar mashungrik kahaina; shāmsāda okathui makhao khangasaka khayora akhavaiva̱li Varena bichar sāhaira. Varewui raobingwui ashee tākahai chiwui vang ali athut khuimihaira.”

PHONGKHAMI 6:10

Athumna panglāk eina vaowa: “O Proho, kathara, khamashunga, okathuili khalei mibingna ithumli shaokathatwui bichar kala tandi miki kaji atam chi leifala?”

WUNGVA̱-WUNGVĀ 16:24

Kala ali mibingna kathei eina athumwui vareli sochikata; kaja athumna hānga, “Ithumwui yangkashe, ithumwui mi kachungkhali athut khuida shaokathat mi chili ithumwui varena ithumwui pāngli sangmihaira!”

WUNGVA̱-WUNGVĀ 2:10

Kala chiwui mithot saikora chila awova̱ ngarāwuili vāserhaowa; kala athumwui thili Proholi makathei kala ana Israelwui vang sāmi kahai otsak makathei khangatei thot akha shoka.