MISHĀN 30:12 - Kathara Bible (BSI)

¹² Kha agaharana chi shāthang shimitmihaiakha awui khangashit kala akhamor eina shākhi hangtā kahaibing chi khikha makhaning ngasāhaora. Chi agaharana shimitmi kahaina, chieina Prohona ali pheomira.

MISHĀN 30:12 Iomraidhean Croise

JEREMIAH 44:17

Kha ithumna khangashit sākahai chiwui athishurda sāra, kazing philava̱li awui vang nganamkaphā otyur riktāra, rashakchigat pha̱ra, ishāvā ngarāna kala ithumna, ithumwui awungabing eina wungnaobingna Judahwui keinungli, Jerusalemwui chānreili sākasā chithāda kasawui vang kashakazāla kachungkha leida mataisanga, kalākashila khikha matheimana.

JEREMIAH 44:19

Sha̱naobing china hānga, “Ithumna kazing philāvawui vang nganamkaphā otyur rikkatā, ra̱shakchigat kapha̱, kala awui meoma phungkazatwui vang khamui kasā hi igahara ngarāwui khamayā makhuila kasāna da phaningla?”

MISHĀN 15:25

Kala pāngmon china Israel ashangva̱wui vang pheomira, kala athumli pheomihaora; khikhalajila athumwui khangui chiwui vang athumna Prohowui mangāli rikkatā kachigat kala athumwui suiham chigat khuikharāna.

MISHĀN 15:28

Kala Pāngmon china, matheimada khayon sakahaipa chiwui vang Prohowui mangāli pheomira; kala ali pheomihaora.

MISHĀN 30:11

kala agaharana chi shālaga khikha mahāngla kala ali makhāmayā maleiakha, awui khangashit kala akhalattana shākhi hangtā kahai saikora leira.

MISHĀN 30:13

Tuingashit chi, maningakha shākhi hangtā kahai china akhalattali chotchāngkapai lei jiakha agaharana mashungmipai, lah agaharana shimithaipai.

MISHĀN 30:5

Kha avāva̱na chi shāthang ana mamayaakha, awui khangashit kala shākhi hangtā kahai chi manganingpaimara; kala avāva̱na makhamayāwui vang sha̱nao chili Prohona pheomira.

MISHĀN 30:8

Kha agaharana chi shāthang makhamayā chitheiakha, awui khangashit lah akhamor eina machukmaja̱la matuitā kahai chi khikha makhaning ngasāhaora kala Prohona ali pheomira.

1 CORINTHNAO 11:3

Kha ina nathumli theishingkhui ngasakngai kaja Khristana mi kachiva̱wui akhavāna, gaharana preiva̱wui akhavāna kala Varena Khristawuina.

1 SAMUEL 1:23

Agahara Elkanahna hānga, “Nana phāra kaji chi sālu, nao na̱ mareiranglakha pamsālu; Prohona awui tui ungshungmiranu.” Chieina naoli na̱ mareiranglakha eina tangda preiva̱na nganaopama.