MISHĀN 3:9 - Kathara Bible (BSI)

⁹ Kala nana Levibing chi Aaron kala naomayarabingli milu; Israel mibingwui ngachai eina athum katonga awui vang mikahaina.

MISHĀN 3:9 Iomraidhean Croise

1 THOTRINCHĀN 15:2

Kala Davidna hānga, “Levinaobing maningla Varewui ningkhami oko khipānakha maphungpaimana, kaja Prohowui ningkhami oko chi phungkhavai kala otram ngatha̱ching khavai Prohona Levinaobingli kapangkakhuina.”

1 THOTRINCHĀN 6:33

Mibing kala athumwui naomayara otram khangathabing chi hina: Kohathbingwui naomayarabing: Joelwui naomayara laa kathema Heman, Joelli Samuelna pharai,

EZRA 2:43

Khorumshimli otram khangathabing: Zihawui naotunbing, Hasuphawui naotunbing, Tabbaothwui naotunbing,

EZRA 6:18

Kala Moseswui lairikli kapi kahai thāda Jerusalemli Varewui otram ngatha̱ khavai athum pāngmonbingli kala Levinaobingli kachichāwui otpamli ngateida pamngasaka.

EZRA 8:20

chili lāngda Khorumshimli otram khangatha̱li Levinaobingli ngachon khavai David eina awui otva̱bingna sangkahai shākhani maga̱na. Athum hi avāva̱ ngarāwui ming eina hāngserhaida lei.

MISHĀN 16:9

Israelwui Varena nathumli Israel yarui ashangva̱wui eina ngateida kapangkhuida ali nganai khangasak, Prohowui tabernacleli otram ngatha̱ khangasak, kala yarui ashangva̱li nganing ngasakta otram ngatha̱ khangasak hi nathumwui vāng teolak kahai otna da phaningla?

MISHĀN 18:2

Chieina navā ngarā Levishangwui nachinā ngarābing khuirālu, chieina na eina nanaomayarabingna ningkhami kachonshimli otram ngatha̱lakha athumna ngachonra.

MISHĀN 3:8

Athumna kazip khavai kachonshimwui thongthāng saikora yangranu, kala tabernacleli otram khangatha̱ thāda Israelnaobingwui vang ngachonranu.

MISHĀN 8:14

Hithāda sāda nana Levinaobingli Israel mibingwui eina ngatei ngasakra, kala Levinaobing iwui ngasāra.

MISHĀN 8:16

Kaja athum Israel mibingwui eina ningtongda ili michao kahaina; naopam shokaphok Israelnaobingwui naochizaibing saikorawui mahut ina Levinaobingli ikhalattawui vang khuikahaina.

MISHĀN 8:18

kala ina Israel mibingwui naochizaibingwui mahut Levinaobingli kakhuina.

MISHĀN 8:19

Kala Levinaobingli Israel mibingwui eina Aaron eina awui naomayarabingli lemmet sāda ina mikahaina, kala athumna kazip khavai kachonshimli Israelnaobingwui vang otram ngatha̱ra, kala Israelnaobingwui vang pheomi khavai, chithāda sāda Israel mibingna katharapamli rākhanganai chitharan kalākashi mashokmara.”

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

EPHESIANAO 4:8

Hithada hānghaida lei: “Ana kajuiya chili kakā tharan, narkahaiya kachungkhali thānkai, ana mikumoli lemmet mi.”