MISHĀN 3:8 - Kathara Bible (BSI)

⁸ Athumna kazip khavai kachonshimwui thongthāng saikora yangranu, kala tabernacleli otram khangatha̱ thāda Israelnaobingwui vang ngachonranu.

MISHĀN 3:8 Iomraidhean Croise

1 THOTRINCHĀN 23:27

kaja hi Davidna kasoda mishān shannaothui kaje, kum maga̱ kākashung kala chiwui atungli khalei Levinaobingna—

2 THOTRINCHĀN 29:11

Inao mayarabing, paida maphaningalu; kaja Prohowui mangāli nganingda otram ngatha̱ khavai kala awui vang nganamkaphā ot riktā khavai nathumli kapangkhui kahaina.”

ISAIAH 52:11

Thulu, thulu, hiwui eina shokulu, makathar ot masāza̱alu, awui eina shokta, nakhalatta tharngasaklu, Prohowui khorkhong kasingbing nathum.

MISHĀN 10:17

Kala tabernacle chi pheitā kahai eina Gershonwui naomayarabing eina Merariwui naomayarabingna tabernacle chi phunglaga zatuwa.

MISHĀN 10:21

Chiwui thili Kohathnaobingna kathara otbing phunglaga zatuwa, kala athum marāshungranglakha tabernacle khaningkāhairasai.

MISHĀN 3:7

Athumna tabernacleli otram ngatha̱da awui vang eina samphang khavai kachonshimwui mangāli khalei yarui ashangva̱wui vang otram ngatha̱ranu.

MISHĀN 3:9

Kala nana Levibing chi Aaron kala naomayarabingli milu; Israel mibingwui ngachai eina athum katonga awui vang mikahaina.

MISHĀN 31:30

Kala Israelli khami tangkhaiwui eina milapai, seilapai, gadhālapai, kala yaolapai, sha̱keibing hangphangāngāli ava̱va̱ khuira, kala Prohowui tabernacle yangda khalei Levinaobingli mihaolu.”

MISHĀN 4:15

Kala Aaron eina naomayarabingna katharapam eina chiwui thongthāngbing chi shaksākuphaida athum zatuki kaji tharan Kohathwui naomayarabingna chi ngava̱ra, kha athumna kathara otbing chili masāza̱paimara, kaja athum thipaishina. Kohathwui naomayarabingna khuiphungki kaji kazip khavai kachonshimwui otbing chi hina.

MISHĀN 4:28

Hi Gershonshi shimkhurwui naomayarabingna kazip khavai kachonshimli sāki kaji athumwui otngarutbingna, athumwuitungli pāngmon Aaronwui naomayara Ithamarna yangra.

MISHĀN 4:33

Hi pāngmon Aaronwui naomayara Ithamarwui azingli Merarishi shangna kazip khavai kachonshimli sāki kaji otngarutbingna.