MISHĀN 3:40 - Kathara Bible (BSI)

⁴⁰ Kala Prohona Mosesli hānga, “Israel mibingwui pharākhare mayarnao kachāngkha kākahai eina thuilaga chiwui atungbing, kala athumwui aming eina mashing shānkhuilu.

MISHĀN 3:40 Iomraidhean Croise

LAA 87:6

Prohona mibingli mingchan khuida “Hipā hi chili pharai” da aming kapikhui.

ISAIAH 4:3

Kala Zionli nothāhaida Jerusalemli pamkahaibing, Jerusalemli mirin peidawui ming chankahaibing;

MISHĀN 3:12

“Yanglu, Israel mibingwui naopamwui pharākharebingwui mahut sāda ina Levibingli Israelwui mibing ngachaiwui eina phaishok kahaina.

MISHĀN 3:15

“Leviwui naomayarabing, avāva̱ ngarāwui shimlak kala shimkhurwui athishurda shānlu; kachāngkha kākahaiya kala chiwui atung mayarnao kachiva̱ shānkhuilu.”

MISHĀN 3:41

Kala nana Israel mibingwui naochizai mayarnao saikorawui mahut sāda Levinaobing iwui vang khuirālu, kaja —I Prohona — kala Israelnaobingwui pharākhare sha̱kei saikorawui mahut chi Levishiwui pharākhare sha̱kei iwui vang khuirālu.”

MISHĀN 3:45

“Israel mibingwui ngachaili naochizai saikorawui mahut sāda Levibing kala athumwui sha̱kei pharākharebingwui mahut sāda Levibingwui sha̱kei khuilu; kala Levi iwui ngasāra: I Proho china.

LUKE 10:20

Chitha-ilala nathumna kameobingli yuihaowa kajiwui vang mamathānhailu, kha nathumwui ming kazingramli kapihaili kajiwui vang mathānlu.”

PHILIPPINAO 4:3

Ili ningtongda otsakruma nathumla sha̱nao khani hili khangachonmilu da poli. Khikhalajila ani khani hi pao hākashokli, Varewui kharinga lairikli aming yikahai Clement inili ngasoda panglāk eina ot sārumsai.

2 TIMOTHY 2:19

Kha Varewui khangazipa shimphunga chi mangachei ngasakrarmana, kala chiwuitungli hithada kapihaida lei: “Prohona awui mibingli thei kala Prohowui mina kajibing chi makhamashungwui eina latungphalungra.”

HEBREWNAO 12:23

kazingramli aming kapi kahaia naochizaibingwui kazip kala saikorawui bicharwo Vare, kāshung kahaia khamashungbingwui manglā,

PHONGKHAMI 14:4

Mibing chiya sha̱naoli makhayonabing; kachingbingmānga kala Yaonaona khavāvāli ngasozatching kajebingna, Vare eina Yaonaowui vang athumli mikumowui matheikhare sāda ngatangkhui kahaina.

PHONGKHAMI 3:5

Khayuiapa chili chithada kachara sāri ngavaimira kala ina awui ming kharinga lairikwui eina mashimitmimara; kaja iwui Avāwui kala awui raobingwui miktāli athum iwuina da tharlāk eina phongmira.