MISHĀN 3:16 - Kathara Bible (BSI)

¹⁶ Chiwui vang Prohona ali kasohaoda Prohowui kakaso athishurda Mosesna athumli shānkhuisera.

MISHĀN 3:16 Iomraidhean Croise

HAOKAPHOK 45:21

Israelwui naomayarabingna chithāda sai, kala Pharaohna Josephli kakaso athishurda siguigari ngarānmida shongfali zākhavaila sangmi.

MISHĀN 3:15

“Leviwui naomayarabing, avāva̱ ngarāwui shimlak kala shimkhurwui athishurda shānlu; kachāngkha kākahaiya kala chiwui atung mayarnao kachiva̱ shānkhuilu.”

MISHĀN 3:17

Hi Leviwui naomayarabing; Gershom, Kohath kala Merari athumwui amingna.

MISHĀN 3:39

Saikora shānkhui khavai Moses eina Aaronli Prohowui ningkhami athishurda kachāngkha kākahai eina thuilaga chiwui atung mayarnao katonga shimkhur athishurda mashing thingmaga̱da khanina.

MISHĀN 3:51

Kala Prohona Mosesli kakaso thāda, Prohowui tui athishurda ana ngatang khavai pheisā chi khuida Aaron kala naomayarabingli mihaowa.

MISHĀN 4:27

Gershonwui naomayarabingna otram khangatha̱ saikora Aaron eina anaomayarabingwui kakaso athishurda athumna sāki kaji otbing chi sāra; athumna sāki kaji otngarutbing chi nana mira.

MISHĀN 4:37

Prohona Mosesli kaso kahai athishurda Moses eina Aaronna shānlaga Kohathnaobing shangwui eina kazip khavai kachonshimli otram khangatha̱li zangkashapabing hiyākhana.

MISHĀN 4:41

Prohona kaso kahai athishurda Moses eina Aaronna shānlaga Gershonwui naomayarabing shangwui eina kazip khavai kachonshimwui otram khangatha̱li zangkashapabing hiyākhana.

MISHĀN 4:45

Prohona Mosesli kaso kahai athishurda Moses eina Aaronna shānlaga Merari shangwui naomayarabing hiyākhana.

MISHĀN 4:49

Prohona Mosesli kaso kahai athishurda ashi mi ava̱va̱li kachichāwui otngarut, otram lah ot phungkazat athumli kapangsanga; hithāda Prohona Mosesli kakaso athishurda ana athumli shānkhuihaowa.

KHALATLUI 21:5

Kala Leviwui naongarā pāngmonbingna mangāli shokra, kaja Proho nathumwui Vareli otram ngatha̱mi khavai kala awui ming eina somi khavai athumli kapangkhui kahaiya, athumna khangapai kala khangashao saikora bichar sāda athumwui khak eina ngachamira.