MISHĀN 3:10 - Kathara Bible (BSI)

¹⁰ Kala nana Aaron kala naomayarabingli kapangsanglu kala athumna athumwui pāngmonpam chi yangranu, kha mi khangatei rāzangakha ali shaothatra.”

MISHĀN 3:10 Iomraidhean Croise

2 SAMUEL 6:7

Kala Varena Uzzahli malungvāthaowa; kala Varena ali sāthathaowa, khikhalajila ana oko chili apāng eina saza̱haoda Varewui ningkhami oko ngalem chili thihaowa.

1 WUNGNAOBING 12:31

Ana kaphung kajujuili kameoshimla sākhui, kala khangatei Levi makhaningbinglila pāngmon kachungkha kapangsanga.

1 THOTRINCHĀN 6:32

Solomonna Jerusalemli Prohowui shim masāranglakha eina tangda athumna kazip khavai kachonshimwui taberbacleli laasak eina otram ngatha̱ya; kala athumwui otram makailakla ngatha̱chinga.

NEHEMIAH 6:11

Kha ina hānga, “I kathā mina yāmrala? Kala I kathā mina khorum khavai shimli yāmngayinrala? I mazangmara.”

SHONGZĀ 29:9

kala shānneira̱ neimida kuihonla ngahonmilu; chieina pāngmonwui ot hi athumwui shiyan ngasāchingra. Chithāda sāda nana Aaron eina anaomayarabingli tharchisinra.”

EZEKIEL 44:8

Kala iwui kathara otla mamayonmana; kha yur khangateiwui mili iwui kathara shim mayon ngasaka.

PĀNGMONSHI 22:10

“Ayarwui mina kathara ot mashaipaimara; pāngmonwuili rākazanga kha̱mi lah khamasā raona kathara ot mashaipaimara.

MISHĀN 1:51

Zatusa jiakha ashina pheikhuilaga phungzatra; kala vākhangasāmpamli ashina vākhaningkāra. Kala kachikathā ayarwui mina rānganaiakha chipāli shaothatra.

MISHĀN 16:10

Ana nali kala Leviwui naomayarabing nachinā ngarāli ngasoda awui ngalemli rāngasak kahai maningmala? Laga nathumna pāngmon otpamla phāluifarala?

MISHĀN 16:35

Kala Prohowui eina mei chihorada thaokhong kasing mi shākhani hangphangā chila chuitahaowa.

MISHĀN 16:40

hina Israelnaobingwui phaningung khavai sai, chiwui vang pāngmon makhaninga kala Aaronwui ara̱-azā makhaninga china Prohowui mangāli nganamkaphā mariktāpaimana, riktaakha Corah kala awui mibingli kasā thāda shokngasakra kaji theingasaka — hi Prohona Moseswui khamor eina Eleazarli theingasaka.

MISHĀN 18:3

Athumna nali kala kachonshimli otram khangatha̱bing saikorali ngachonmira; kha athum katharapamwui khorkhongbing, lah hanphutli manganaipaimara, nala athumla thipaishina.

MISHĀN 18:7

Kala na eina nanaomayarabingna nali ngasoda nawui pāngmon ot kala mairārwui alungli khalei hanphutwui ot saikora yangsangmira; kala nana otram ngatha̱ra. Ina nawui pāngmonpam lemmet eina khamina, kala chili rākhanganai mi kachiva̱li thingasakra.”

MISHĀN 3:11

Kala Prohona Mosesli hānga,

MISHĀN 3:38

Kala tabernaclewui mangā zingshoshongwui rāmrahli khaleibing, kazip khavai kachonshimwui mangāli Moses eina Aaron kala naomayarabingna, Israelnaobingwui vang athumna katharapamli otram ngatha̱mira; chili rākhanganai mi chi shaothatra.

ROMNAO 12:7

otram ngatha̱ khavai miakha, otram ngangatha̱phalungra; tamchithei khavai miakha tamchitheiphalungra;

EPHESIANAO 2:19

Chiwui vang eina Gentile nathum ara kha̱mi kala katei maningluimana; ara Varewui mibingli ngasoda ngaraikachā ruichumnao akhana, kala Varewui shimkhur chiwui mibingna.

KHALATLUI 18:5

Kaja, Prohowui mingli nganingda otram ngatha̱miching khavai ali kala anaomayarabingli shang saikorawui eina Proho nathumwui Varena kapangkhui kahaina.

HEBREWNAO 8:4

A okathuili leisi kaje kachilikha pāngmon masālakmara, kaja ot kasā pāngmon kachungkha lei.

WUNGVA̱-WUNGVĀ 17:5

Kala Micahna khorum khavai khorumshim akha leisai, ana ephod akha eina meoma̱ akha da sākhuilaga chi mayon khavai anaomayara akhali pāngmon sāngasaka.

1 SAMUEL 6:19

Kala athumna Prohowui okoli yangkakāwui vang ana Beth-shemehwui mi kaikha sāthathaowa; ana mi hangshini sāthata; Prohona mi kachungkha sāthat kahaiwui vang mibingna chapngachai.