MISHĀN 28:7 - Kathara Bible (BSI)

⁷ Ra̱shak kachigat chi yao ava̱va̱li lengkhor akhum matiwui akha mira; katharapamli ra̱shakchigat zamshei chi Proholi heisangmira.

MISHĀN 28:7 Iomraidhean Croise

SHONGZĀ 29:40

Yao khare chili ngasoda khamanaka mathir tharāwui akhali olive thao lengkhor akha kala drakhāra̱ lengkhor akha da manātra.

SHONGZĀ 29:42

Nathumwui mithot kachida kazip khavai kachonshimwui khāmongpheili Prohowui mangāli machatlakla rikkatā kachigat hi sāchingra, chili ina nali samphangda nali chan ngazekra.

SHONGZĀ 30:9

Makathara anganam nilala, rikkatā kachigat nilala, tharāzat kachigat nilala, ra̱shakshirei chiwuitungli machigatpaimana.

ISAIAH 57:6

Leiwukli nganaipat eina khalei ngalunggui chili nathumwui yar lei. Chi, chibing chi, nathumwui kalāna; athumwuitungli nathumna ra̱shakchigat kharekrora, kala nathumna muisakchigat khuirai. Hikathawui vang ina ningyāng ungrala?

JOEL 1:13

O pāngmonbing! bora ngavailaga chapngachālu, O hanphutwui otram khangatha̱bing sifalu, O iwui Varewui otram khangatha̱bing ngayā bora ngavaipilu! Khikhalajila Varewui shim eina tharāzat kachigat, ra̱shakchigat khāmserhaira.

JOEL 1:9

Tharāzat, ra̱shakchigat katathaira. Prohowui shim eina pāngmonbing, otram khangatha̱bingna sifaya.

JOEL 2:14

Proho nathumwui VAREna ning ngacheihaida ana mavātlakla somilapai. Chitharan Vare Prohowui vang muisakchigat, ra̱shakchigat nathuma chigatpai.

PĀNGMONSHI 1:9

Kha chiwui akhari-akharā eina akhobing ana tara̱ eina pheofara. Kala mei eina rikkatā kachigatwui pha̱kaphayā sāda pāngmon china hanphuttungli riktāra; hi Prohona ningyāng khaunga nganamkaphā otna.

PĀNGMONSHI 23:13

Kala chili ngasoda tharāzāt kachigatwui vāng, thao khamanāt manaktak kahai mathir khuilui khum tharāwui khum khani zangda Proho mangāli meili riktāra, chi ningyāngkhaung nganamkaphā otna; kala hieina ngasoda ra̱shakchigat drakhāra̱, lengkhor akhawui akhum mati zangra.

MISHĀN 15:10

kala nana ra̱shakchigatwui vang zam lengkhor akhawui tangkhai mei eina kachigat sāda hi Proholi ningyāngkhaung nganamkaphā chigatra.

MISHĀN 15:5

kala zam lengkhor matiwui khumkha ra̱shakchigatwui vang, rikkatā kachigat, lah pha̱phayā khavaiwui vang, yaonao ava̱va̱ eina ngasoda nathumna ngarānra,

MISHĀN 15:7

kala rāshak chigatwui vang nathumna drakhāra̱ lengkhor akhawui khum kathumwui akha Proholi ningyāngkhaung nganamkaphā chigatra.

MISHĀN 28:14

Athumwui ra̱shakchigat chi mukkā akhawui vang lengkhor akhawui tangkhaira, yaovā akhawui vang lengkhor akhawui khum kathumwui akhara; kala yaonao akhawui vang lengkhor akhawui khum matiwui akhara. Hi kum peidawui kachāngchāngli mei eina rikkatā kachigatna.

MISHĀN 28:31

Machatlakla rikkatā kachigat kala tharāzātchigatli lāngda hibing nana athumwui ra̱shakchigatla chigatmira. Theilu, kaja chibing chi achuk kapei sā phalungra.

MISHĀN 28:6

Hi ningyāngkhaung nganamkaphā Proholi mei eina riktāda kachigat Sinai Kaphungli tharchisin kahai machatlakla rikkatā chigatna.

MISHĀN 28:8

Yao akhapa chi ngazinshong chigatra; ngathorshongwui tharāzāt kachigat kala ra̱shakchigat kachigat thāda, nana chi mei eina Proholi ningyāngkhaung nganamkaphā chi chigatra.

PHILIPPINAO 2:17

Nathumwui shitkasangwui pha̱kaphayā kachigatli iwui ashee heirorra jilala I ringphai, kala ina nathum saikorali mathānrumra.