MISHĀN 28:6 - Kathara Bible (BSI)

⁶ Hi ningyāngkhaung nganamkaphā Proholi mei eina riktāda kachigat Sinai Kaphungli tharchisin kahai machatlakla rikkatā chigatna.

MISHĀN 28:6 Iomraidhean Croise

2 THOTRINCHĀN 2:4

Yanglu, ithumwui Proho Varewui mingwui vang ina awui mangāli nganamkaphā thao riktā khavai shim chi tharchigatlaga thangkachida maiyan khamui chikatching khavai, ngathor ngazin, sabbaththang, changwokthang, kala ithumwui Proho Varena langchin sākahai Israelwui vang katang mavaila tharchisin kahahai phanit mayon khavai shim akha sākhuisi kajina.

2 THOTRINCHĀN 31:3

Awungana awui khaleiwui eina rikkatā kachigatwui vang mikashoka: ngathor ngazin rikkatā kachigat, sabbaththangwui vang rikkatā kachigat, changwokthangwui vang, kala retmi kahai phanit phanaowui vang Prohowui ainli hāngkahai chithāda chigata.

EZRA 3:4

Kapi kahai athishurda, athumna Tabernaclewui zātkhān chila mayona, kala thangthang sāphalungki kaji chi sharphahorwui athishurda sāching kaji mashing eina chigatchinga,

LAA 50:8

Nathumna pha̱kaphayāwui vang ina nathumli khamachin maningmana; nathumwui rikkatā kachigat thangkachida iwui ngalemli lei.

SHONGZĀ 24:18

Kala Mosesna muiyālungli zangda phungreili kai. Kala Moses ngashun hangmati kala ngayā hangmati da phungrei tungli kāpama.

SHONGZĀ 31:18

Kala Sinai Kaphungtungli ngazekkup kahaiwui thili Varewui pāngmareng eina kapisang kahai, tuingashitwui lungphek khani chi Mosesli mihaowa.

EZEKIEL 46:14

Ngathor kachida tharāzat kachigat sākhavai eina ngasoda, khuilui akhawui sharuk tharukwui akha, kala mathir naikhavai thao lengkhor akhawui akhum kathumwui akha, Prohowui vang chigatchingra; hi machatlakla chikatki kaji rikkatā kachigatwui sharphahorbingna.

EZEKIEL 46:15

Chithāda, ngathor kachida, yaonao, kashakazā kachigat kala thao machatlakla rikkatāchigat sākhavai ngarānmiphalungra.

PĀNGMONSHI 27:34

Sinai Kaphungli Israel mibingwui vang Prohona Mosesli kaso kahai ningkhamibing chi hina.

PĀNGMONSHI 6:9

“Aaron eina awui naomayarabingli hithāda kasolu, hi rikkatā kachigatwui ainna. Rikkatā kachigat chi hanphut alungthungli ngayā pongda rikthaira, kala hanphutwui meila kazing kathang eina tangda sāthaira.

AMOS 5:25

“O Israelwui shimkhur! Zingkum hangmati nathumna ili lamhāngli pha̱kaphayā chigatla?

MISHĀN 28:5

kala tharāzātchigatwui vangla khamanaka mathir khuilui akhawui akhum kathara, kala shungkakhui thao lengkhor matiwui akha chi manātra.

MISHĀN 28:7

Ra̱shak kachigat chi yao ava̱va̱li lengkhor akhum matiwui akha mira; katharapamli ra̱shakchigat zamshei chi Proholi heisangmira.

PHILIPPINAO 2:17

Nathumwui shitkasangwui pha̱kaphayā kachigatli iwui ashee heirorra jilala I ringphai, kala ina nathum saikorali mathānrumra.