MISHĀN 28:2 - Kathara Bible (BSI)

² Israelwui mibingli kasoda ili kachigat, mei eina rikkatā kachigat iwui kashakazā kala ningyāngkhaunga nganamkaphā atam atamli rāchigat khavai hānglu.

MISHĀN 28:2 Iomraidhean Croise

HAOKAPHOK 8:21

Kala Prohona nganamkaphā anganam chi nganamlaga Prohowui ningli hānga, “Ara ina ngalei hi miwui vang eina makhonshiluilakmara, kaja miwui chukkhamaja nganuilakhawui eina thuida makaphā makhayāmānga; kala kharing yur kachiva̱ ina shimān khangasak chi ara ina masāluilakmara.

1 THOTRINCHĀN 23:31

kala sabbaththang, changwokthang, phanitthang, Prohowui vang rikkatā kachigat tharan, zimiksho kachung kateo athishurda athumna Prohowui mangāli chithāda sāchingra.

2 THOTRINCHĀN 23:18

Kala Jehoiadana Prohowui shim mayon khavai, Levishiwui pāngmonbingli hāngchithei kahai thāda, kala Levibingli Davidna Prohowui shimwui yangmi khavai ngayeikhami thāda Moseswui ainli kapi kahai chi shurda Proholi rikkatāchigat chi Davidwui kakaso thāda laa sāda chigat ngasaka.

2 THOTRINCHĀN 31:3

Awungana awui khaleiwui eina rikkatā kachigatwui vang mikashoka: ngathor ngazin rikkatā kachigat, sabbaththangwui vang rikkatā kachigat, changwokthangwui vang, kala retmi kahai phanit phanaowui vang Prohowui ainli hāngkahai chithāda chigata.

EZRA 3:2

Chiwui thili Jozadakwui naomayara Jeshuali ngasoda avānao pāngmonbing, kala Shealti-el wui naomayara Zerubbabelli ngasoda ashibing hanphut akha sakai, Varewui mi Moseswui ningkhamili hāngkahai athishurda rikkatā hanphut akha sakai.

EZRA 3:3

Apam chiwui mibingli khangacheewui vang athumna hanphut chi khangachāwui apamli sakāmi, kala hanphut chili ngathor ngazinwui rikkatā kachigat chi chigata.

NEHEMIAH 10:34

Chi tākam eina ainli kapi kahai thāda ithumwui Vare Prohowui shim hanphuttungli riktā khavai thing kachigat chi kumkumwui hāngkahai atambing chili khuirā khavaiwui vang, ishāvā ngarāwui shimkhur athishurda, pāngmonbing, Levibing kala mibingla zangda ithumna kalā yanga.

LAA 81:3

Phanitwui vang talla̱ khonglu, kachāngna khawok kala khangani tharan.

SHONGZĀ 23:15

Ina hāngkahai thāda khawok makazang khamui phanit sāra; hāngkahai thāda Abib kachāngwui atamli shinithang khawok makazang khamui shaira, kaja chiwui atamli nathumna Egyptwui eina shoka. Khipakha iwui mangāli pāng khamasai eina marāpaimara.

SHONGZĀ 29:18

Kala yaovā chi tongda hanphutli riktālu; hi Prohowui vang rikkatā kachigatna, nganamkaphā otna, Proholi mei eina kachigata otna.”

EZEKIEL 16:19

Kala ina nali kashakazā mi— mathāmeikap kaje mathir, olive thao, kala khuira̱— chila meoma̱bing ningyangung khavai pha̱kaphayā sāda chigathaowa. Hi Khamunga Proho na hānga.

EZEKIEL 20:41

Mibingwui eina nathumli shupkhuira, yāmkazatpam kaphungphungwui eina kazipkhuira kala ningyāngkhaung nganamkaphā thāda ina khuisangra; kala yurbingwui mangāli iwui tharkhamathengrin chi nathumwui alungli chitheira.

EZEKIEL 45:17

Kala wungnaona Israelnao saikorawui vang, phanit atamli, sabbaththang, changwokthang, kala phanitthang, rikkatā kachigat, tharāzat kachigat, ra̱shak kachigat saikora hi khangarān samiki kajina. Kala suiham kachigat, tharāzat kachigat, rikkatā kachigat, ningyat kachigat, saikora hi Israel shimkhurli pheomi khavai ana ngarānmiserki kajina.”

PĀNGMONSHI 1:13

kha akharibing eina akhobing chi ana tara̱ eina pheora. Chiwui thili pāngmon china katonga chi hanphutli riktāra, hi rikkatā kachigat, Proholi ningyāng khaungwui nganamkaphā otna.

PĀNGMONSHI 1:17

ana chiwui angachāng shireishatkhuira, kha asā mangakaikhaimara. Chi hanphutthing khorkahaitungli pāngmonna riktāra. Hi mei eina rikkatā kachigatna, Proholi ningyāng khaungwui nganamkaphā otna.

PĀNGMONSHI 1:9

Kha chiwui akhari-akharā eina akhobing ana tara̱ eina pheofara. Kala mei eina rikkatā kachigatwui pha̱kaphayā sāda pāngmon china hanphuttungli riktāra; hi Prohona ningyāng khaunga nganamkaphā otna.

PĀNGMONSHI 21:6

Athum athumwui Varewui mangāli tharphalungra, athum Varewui ming masāmakhaopaimana; kaja athumna, athumwui Varewui khamui kachigat chi mei eina Proholi chigata; chiwui vang athum tharmathengphalungra.

PĀNGMONSHI 21:8

Ali nathumna tharchigatra, kaja ana nathum Varewui khamui chigatmi; a nathumwui mangāli thara; kaja nathumli tharkhame, Proho I katharana.

PĀNGMONSHI 3:11

Kala chi kashakazā sāda, pāngmonna Proholi mei eina hanphuttungli chigatra.

MALACHI 1:12

Kha nathumna Prohowui table chi makatharana kala chiwui kashakazā chi horhaipai da kahāng eina makhao ngasaka.

MALACHI 1:7

Khamakhao kashakazā eina iwui hanphutli pha̱ya. Laga nathumna ithumna chi kathāda makhao ngasakhala? da hānga. Chi kaphaning eina Prohowui table yangkharingpai.

MISHĀN 15:24

kala yarui ashangva̱na chi matheimada sākahai ngasasaakha, ashangva̱ saikorana mukkānao akha rikkatā kachigat sāda chigatra, Proholi ningyāngkhaung nganamkaphā tharāzat kachigat kala ra̱shakchigat eina ngasoda sharphahorwui athishurda sāra, kala mevā akha suiham chigatwui vang chigatra.

MISHĀN 15:3

kala nathumna Proholi kachigat, seishang, lah yaoshangwui eina, lah mei eina riktāda kachigat, lah pha̱kaphayā, lah khangashit ungshungmi khavai lah lemmet kachigat, lah langchin sākahai phanit phanaowui kachigat Proholi nganamkaphā kachigatlapai,

MISHĀN 15:7

kala rāshak chigatwui vang nathumna drakhāra̱ lengkhor akhawui khum kathumwui akha Proholi ningyāngkhaung nganamkaphā chigatra.

MISHĀN 28:1

Prohona Mosesli hānga,

MISHĀN 29:39

Nathumwui langchin sākahai phanitbingli hibing hi nathumna khalattawui khangashit kachigat, lemmet kachigat, rikkatā kachigat, tharāzātchigat, ra̱shakchigat, kala ningyatchigatli lāngda Proholi chigatra.

MISHĀN 9:13

Kha mi akhana katharla thar, kha̱ramla mavālaga makānkhami phanit mamayonakha, ali awui miyurwui eina katathaora, kaja ana langchin sākahai zimiksholi Proholi machigatmana; chieina awui morei akhalatta phungra.

MISHĀN 9:7

kala mibing china ali hānga, “Ithum kathingun saza̱da sāmakhaohaira; chiwui vang eina ithum Israelwui mibing khangateili ngasoda langchin sākahai zimiksholi Proholi kachigat masārumpaimara kajila?”

2 CORINTHNAO 2:15

Kaja huikhuida khalei kala shimānhaokida khalei athumli ithum hiya Khristana Vareli kachigat nganamkaphā anganam kathāna.

EPHESIANAO 5:2

Khristana ithumli leishida ithumwui vang Vareli ningyāng ungkhavai nganamkaphā kachigat kala pha̱phayākhami chithada, nathumla leikashiwui lungli yaothuizatlu.

PHILIPPINAO 4:18

Nathumna khami chi peida samphangserhaira, shapshaphaira. Epaphroditusnala nathumna khangachon chi khuirāmida ara khikha mavātlakmana. Hi Varewui mangāli khuisangkapai nganamkaphā pha̱kaphayā kathāna.