MISHĀN 27:21 - Kathara Bible (BSI)

²¹ Kala ana pāngmon Eleazarwui mangāli kānganingda pāngmon china awui vang Prohowui mangāli Urim singda ngahānra; ala kala Israelwui mi ashangva̱, ana shoklu jiakha shokra, kala awui tui eina zangra.”

MISHĀN 27:21 Iomraidhean Croise

2 SAMUEL 21:1

Chitharan Davidwui atamli kum kathum ngaronda chāmrei rāhaowa; Davidna Proholi seihā sai. Kala Prohona hānga, “Saulna Gibeonnaobingli shaokathatwui vang a kala awui shimkhurli asheewui morei lei.”

EZRA 2:63

kala lammungana athumli hānga kaja Urim eina Thummim yangmi khavai pāngmon akha maleiranglakha athumna tharmathengmeikap kaji ot chi mashaipaimana.

NEHEMIAH 7:65

Urim eina Thummimwui pāngmon mashokranglakha eina tangda tharmeikap kaji kashakazā chili athum mazangpaimara da rammunga china athumli hānghaowa.

SHONGZĀ 28:30

Kala bicharwui thikhomli Urim eina Thummim kāsangra, kala ana Prohowui mangāli kazang tharan chi awui wuklungli leira chithāda sāda Prohowui mangāli Aaronna Israelnaobingwui bichar chi awui wuklungli haichingra.”

PĀNGMONSHI 8:8

Kala ana thikhom sangmi, kala thikhomli Urim eina Thummim hokthāngmi.

MALACHI 2:7

Khikhalajila pāngmon akhawui morchai eina theikakhui chi mayonphalungra, kala mibingna awui khamorwui eina hāngkachithei chi phāphalungra, kaja a saikorawui Prohowui paophungana.

MISHĀN 27:17

ana athumwui mangāli rizatra, athumli thanshokmira kala thānzangmira; chithāda sāda Prohowui ashangva̱ yaokahoma makhalei yaonao thāda mazatmara.”

MISHĀN 27:2

Athumna kazip khavai kachonshimwui khāmongpheili Moses, pāngmon Eleazar kala Israel ashangva̱wui kathānabingwui mangāli nganingda hānga,

MISHĀN 27:20

Nana nawui pangshap ali mida, chieina Israelwui mi ashangva̱na awui kahāng nganāra.

MISHĀN 27:22

Kala Mosesna Prohowui kakaso athishurda sai; ana Joshuali hokhuida pāngmon Eleazar eina yarui ashangva̱wui mangāli kānganing ngasaka,

MISHĀN 27:5

Athumwui tuingaphun chi Mosesna Prohowui mangāli khuirai.

KHALATLUI 31:3

Proho nathumwui Varena A khalatta nathumli rida vāra; yur kateibing chi ana rida sākhayāngmihaida nathumna angapaikhuira; kala Prohona hāngkahai athishurda Joshuana nathumwui akui sāda ana mangāli zatta thānvāra.

KHALATLUI 33:8

Kala Leviwui vang ana hithāda hānga, “Levili nawui Thummim milu, Vareli kaphaninga chili nawui Urim milu, Massah apamli nana chāng khayanga, Meribahwui tara̱pamli nana khangatuka chili;

JOSHUA 9:14

Chieina mibingna athumwui kashakazā chi zāngaruma, kala Prohowui eina apong mangahānkhuimana.

WUNGVA̱-WUNGVĀ 1:1

Joshua thikahaiwui thili Israelwui mibingna Vareli, “Ithumwui vang Canaannaobingli ngarar khavai khipāna vārirakhala?” da ngahāna.

WUNGVA̱-WUNGVĀ 20:18

Israelwui mibingna Bethelli vai, kala Vareli angahāna, “Benjaminbingli ngarar khavai khipashi shang vārikaprakhala?” Kala Prohona, “Judahna vārikaplu” da hānga.

WUNGVA̱-WUNGVĀ 20:23

Kala Israelwui mibingna Prohowui mangāli kāda ngazin eina tangda chapsasui Proholi “Ichināngarā Benjaminnaobingli rai masāluirakhala?” da ngahāna, kala Prohona hānga, “Athumli angararlu.”

1 SAMUEL 14:19

Kala Saulna pāngmonli ngazekta leilakha, Philistinenaobingwui rāmrahli ngaunlop kahai chi pangmei khangai pangmeihaowa; kala Saulna, “Napāng khangtāhaolu” da pāngmonli hānga.

1 SAMUEL 23:9

Saulna ali makaphā sākhavai ngarānhaira kaji Davidna theihaoda pāngmon Abiatharli, “Ephod khuirālu” da hānga.

1 SAMUEL 28:6

Kala Saulna Proholi khangasan eina, Prohona ali mangahānkāmithuwa, mang nganālala, Urim yanglala, marānbingnala khikha matheirarthuwa.

1 SAMUEL 30:7

Kala Davidna pāngmon Abiathar, Ahimelechwui naomayarali, “Ephod khuirālu” da kasoi. Chieina Abiatharna Davidli ephod chi khuivāmi.