MISHĀN 27:18 - Kathara Bible (BSI)

¹⁸ Kala Prohona Mosesli hānga, “Nunwui nao Joshuali khuilu; a sāshapa mina, kala awuitungli napāng khāngkāmilu,

MISHĀN 27:18 Iomraidhean Croise

HAOKAPHOK 41:38

Kala Pharaohna awui raobingli hānga, “Varewui manglāna ngasokhami hikathā mi hili samphangrala?”

1 THOTRINCHĀN 7:27

awui nao Nun, awui nao Joshuana.

SHONGZĀ 17:9

Kala Mosesna Joshuali hānga, “Ithumwui vang mi kapangkhuida Amaleknaobingli angararlu, akhama ina Varewui khāmshui singlaga kaphungtonli kānganingra.”

DANIEL 5:14

Kathara chiwui manglā nali ngasomi, kala theikashap, theishingkakhui, kala hakmahālak kahai awor nawuili lei da ina shāhaira.

MISHĀN 11:17

Chieina ina nali chili tāngazekra; kala nawui eina ina manglā kakhuilaga athumli sangmira, chieina athumnala mibingwui kachot chi nali phungrumra, namāngna maphungluimara.

MISHĀN 13:16

Hibing hi Mosesna ngalei chili vāra̱yang khavai chihokashoka mibingwui amingbingna: kala Mosesna Nunwui naomayara Hosheali Joshua da aming ngacheimihaowa.

MISHĀN 13:8

Ephraim shangwui eina Nunwui naomayara Hoshea;

MISHĀN 27:23

kala Prohona Mosesli kaso kahai athishurda ana awuitungli pāng parmida awui ot chisina.

JOHN 3:34

Varena kashivāta a china Varewui tui matui kaja Varena Manglā chi khavāt maleila ali mi.

OTSAK 13:3

Chieina athumna kakhum eina seihā kasā kupkahaiwui thili aniwuitungli pāng khāngkāda seihā sāmilaga chihohaowa.

OTSAK 19:6

Kala Paulna athumwuitungli pāng parrormi, kala Manglā Kathara athumwuitungli tārormida athumna tuiyur khangatatei matui kala marāna.

OTSAK 6:3

Chiwui vang eina ivānaobing, Manglā Katharana kapem kala theithangkhamei mi shini nathumwui eina kapangkhuilu, athumli ot hiwui yangkhame sāngasakra.

OTSAK 6:6

Kapangkhui kahaibing chili yaruina paokazatbingwui mangāli khuikai, kala athumwuitungli pāng khāngkāda seihā sāmi.

KHALATLUI 1:37

Nathumwui vang eina ilila Prohona malungvātta hānga, ‘Nala chili mazangmara;

KHALATLUI 3:21

Kala atam chitharan ina Joshuali kasoi, ‘Proho nathumwui Varena awunga khaninili sāchithei kahai chi namik eina theihaira, chieina aruila nathumna vāki kaji wungrambing saikorali Prohona chithāda samiluira.

KHALATLUI 3:28

Kha Joshuali otsin chisinda ali katomlu kala pingngasaklu; kaja mibing hili ana thānvāda nana kathei apam chi ana athumli khuingasakra.’

KHALATLUI 31:14

Kala Prohona Mosesli hānga, “Yanglu, na kathi atam nganaihaira; Joshuali hokhuida nani kazip khavai kachonshim chili vālu, kaja ina ali otpam chisinra.” Chieina Moses eina Joshuana kazip khavai kachonshimli vai.

KHALATLUI 31:23

Kala Nunwui naomayara Joshuali Prohona otpam chisinda hānga, “Pingmeida malung zangmeilu; khikhalajila ina athumli mira da ngashit kahai ngalei chili Israelnaobingli nana thānsangki kajina: ina nali ngasomira.”

KHALATLUI 31:3

Proho nathumwui Varena A khalatta nathumli rida vāra; yur kateibing chi ana rida sākhayāngmihaida nathumna angapaikhuira; kala Prohona hāngkahai athishurda Joshuana nathumwui akui sāda ana mangāli zatta thānvāra.

KHALATLUI 34:9

Mosesna pāng khāngkāda somi kahaiwui vang, Nunwui naomayara Joshua thangkhameina pemhaowa; kaja Mosesna awuitungli pāng parmi, chieina Israelwui mibingna awui kahāng nganai kala Prohona Mosesli kaso kahai athishurda sai.

1 TIMOTHY 4:14

Ararbingna nawuitungli pāng parrorda kala marānbingna hāngmi kahai nawui wuklungli khalei manglāwui lemmet chi khikha maningmana da maphaninghaialu.

1 TIMOTHY 5:22

Pāng khangkāda dharkachigat ot kasāli makatotnālu, miwui makaphā otsakli nalila phenpaishina. Tharlak eina pamlu.

HEBREWNAO 6:2

Ra̱kahik, pāng khāngkāda sokhami, kathiwui eina ringkhangasaka kala katang makhavai bichar hikathā tamkachithei himāngli maleichingsa.

JOSHUA 1:17

Ithumna otsak saikorali Moseswui tui khanganā thāda, nawui tui nganāra; nawui Proho Varena Mosesli ngasokhami thāda nalila ngasomiranu!

WUNGVA̱-WUNGVĀ 11:29

Chiwui thili Prohowui manglāna Jepthali zangmida ana Gilead eina Manasseh kānvai, chiwui eina phonda Gileadwui Mizpahli kānda Ammonnaobingli vai.

WUNGVA̱-WUNGVĀ 3:10

Prohowui Manglāna awuitungli tāshungmida ana Israelli mungsai; kala ana thānda rai vai, kala Prohona Mesopotamiawui awunga Cushan-rishanthaimli awui pāngli horsangmida ana yuihaowa.

1 SAMUEL 16:18

Yaronnao akhana ngahānkai, “Yanglu, Bethlehempa Jessewui nao akha tingteilā huitheilak kahai ina thei; a kapinga, raimina, chanhān unglaka, kala otsakla mathālaka kala Prohona ngasokhame mi akhana.”