MISHĀN 26:65 - Kathara Bible (BSI)

⁶⁵ Kaja Prohona athumli hānghaisai, “Athum lamhāngli thihaora.” Jephunnehwui naomayara Caleb eina Nunwui naomayara Joshua maningla khipākha mashākmimana.

MISHĀN 26:65 Iomraidhean Croise

LAA 37:9

Kaja makaphā makhayāli katathaora; kha Proholi khangaraibingna ram chi samphangra.

SHONGZĀ 12:37

Kala Israelnaobingna Rameseswui eina zatlaga Succothli vāshunga, prei-naosan mashānla phei eina kazat mayarnaomāng mi thing shātharuk sha̱khana.

MISHĀN 14:26

Prohona Moses eina Aaronli hānga,

MISHĀN 14:32

Kha nathumva, nathumwui kathingun lamhāng hili pitāra.

MISHĀN 14:35

Proho, ina, hānghaira; makhayā katonga, chiya ili mamayāmada kazip kakhui ashangva̱li makahatlakla ina hi sāra: lamhāng hili athum ngachangchaohaora, kala chili athum thira.”

MISHĀN 14:38

Kha ram chi akhayang mibingwui ngachaili Nunwui naomayara Joshua eina Jephannehwui naomayara Caleb mathila ringa.

MISHĀN 27:3

“Ishāvā lamhāngli thihaira, a Proholi makhamayābing Corahna thānda kakazipli mazangmana; kha akhalattawui moreiwui vang kathina, kala awui nao mayarnao maleimana.

MISHĀN 34:19

Hi athum mibingwui amingbingna: Judah shangwui eina Jephunnehwui naomayara Caleb.

ROMNAO 11:22

Hili Vare hiya kayākha lumashankatha kala sākashekhala kaji ithumna thei, chiya konglui kahaibingli sāshilaka, kha nathumna awui lukhamashanli ngasāmakha lumashanmi; chi mathaakha nathumlila katathaora.

KHALATLUI 1:36

Jephunnehwui nao Calebmāngna kathei samphangra, khikhalajila ana Proholi ningtongda shura chiwui vang ana phei naisang kahai ngalei chi anao ngarāli ina mira!’

JOSHUA 5:4

Kala Joshuana athumli ahui rimshokhamiwui kakhalat hina: Egyptwui eina kashoka mayarnaobing saikora, raimi saikora, Egyptwui eina shok kahaiwui thili lamhāngli thihaowa.

JUDE 1:5

Hiwui pongli nathumna theida lei jilala Israelnaobingli Prohona Egyptwui eina kathada thānshokmi, kala naoda mashitkasangbingli kathada shimān ngasakhao kajiwui pongli ina nathumli phaningung ngasakli.