MISHĀN 26:55 - Kathara Bible (BSI)

⁵⁵ Kha ngalei hi kalā yangda ngayarra; athum avāva̱ ngarā shangwui amingbing athishurda shimlui ngayarra.”

MISHĀN 26:55 Iomraidhean Croise

CHĀNSAM 16:33

Mikumona kalā yanga, kha Prohowui khamayā eina kashokna.

CHĀNSAM 18:18

Lungsanlāk eina ngapai khangarok chili, kalā khayangna tui kupngasaka.

EZEKIEL 47:22

Nathum saikora kala nathumli ngasopamda nao pharāsang kahai athum saikoralila ngayarmiserki kajina. Athumla Israelshang thāda luichumnaosera; chiwui vang athumlila Israel shangli khayar thāda yarphalungra.

MISHĀN 26:56

Athumwui shimlui kharei, kateowui ngachaili kalā yangda ngayarmira.

MISHĀN 33:54

Nathumna shangwui athishurda kalā yanglaga ngalei chi khuira; shang kateona teoda kala shang kahakana hakta samphangra; kalā yanglaga kashok chi mi chipawui sāra, navā ngarāwui shimkhur athishurda shangbing china ngalei chi khuira.

MISHĀN 34:13

Mosesna Israelnaobingli kasoda hānga, “Hi Prohona kakaso athishurda shang chiko eina shang tangkhaina kalā yanglaga shimlui sāki kaji ngaleina.

MISHĀN 36:2

athumna hānga, “Prohona ameili Israel mibingwui shimlui kalā yangda ngayarmi khavai kaso kahaina; kala ithumwui agato Zelophehadwui shimlui anaongalāva̱ ngarāli yarkhavai Prohona ameili kakasona.

OTSAK 1:26

Athumna aniwuitungli ka̱lā yanga; yanglaga Matthiaswuitungli tāhaoda rida leikasā pāokazata tharāda akha chiwui alungli ngarumsanghaowa.

COLOSSIANAO 1:12

Varena awui miyurbingwui vang ngarānmi kahai wungram chili nathumwui sharukla zangngasakhaowa kajiwui vang khamathān eina ngasoda Avāva̱li masotchikatlu.

JOSHUA 11:23

Chieina Prohona Mosesli kakaso athishurda, Joshuana ngalei katonga chi yuikhui; kala Joshuana Israelwui shimlui sākhavai shang-shangli yarmi, kala ngalei chi rai masāluila chingrihaowa.

JOSHUA 14:2

Prohona Mosesli kaso kahai athishurda shang chiko kala tangkhai chili kalā yangda shimlui ngayarmi.

JOSHUA 17:14

Kala Josephwui shangna Joshuali rāhānga, “Prohona somida ithum shang hiyākha mayālaga kachiwui vang nana ithumli shimlui yar akhamāng mihaokhala?”

JOSHUA 18:6

Kala leiret shini sāda ngakai kahai ngalei chiwui apongli nathumna kapikhuilaga ili khuiungmilu; kala ina Proho Varewui mangāli kalā yanglaga mira.

JOSHUA 19:1

Ka̱lā kakhane chi Simeonwui vang shokta, Simeonwui shangli athumwui shimkhurwui athishurda yara, kala shimlui chi Judah shangwui ngalei alungthungli zanga.

JOSHUA 19:10

Ka̱lā kakathuma chi Zebulun shangwui vang shokta athumwui shimkhurwui athishurda yara. Kala athumwui leiret chi Sarid eina tangda shangshunga;

JOSHUA 19:17

Ka̱lā khamate chi Issacharwui vang shokta Issachar shangli athumwui shimkhurwui athishurda yara.

JOSHUA 19:24

Ka̱lā kaphangā chi Asher shangli athumwui shimkhurwui athishurda shoka.

JOSHUA 19:32

Ka̱lā katharuka chi Naphtali shangli athumwui shimkhurwui athishurda shoka.

JOSHUA 19:40

Ka̱lā kashine chi Dan shangli athumwui shimkhurwui athishurda shoka.