MISHĀN 26:53 - Kathara Bible (BSI)

⁵³ “Ngaleibing hili aming mashingwui athishurda shimlui sākhavai ngakaimira.

MISHĀN 26:53 Iomraidhean Croise

HAOKAPHOK 12:2

Kala ina nali kahaka yur akha sāngasakta nali sokhamila somira, nawui ming reingasakta, somi kahaia mi akha sāngasakra.

HAOKAPHOK 12:7

Chitharān Prohona Abramli rāchitheida hānga, “Nawui naotunbingli ina ngalei hi mira.” Chiwui vang ana ali rākachitheia Prohowui vang apam chili hanphut akha sai.

1 THOTRINCHĀN 16:18

“Canaan ngalei nali mira, hi nawui shimlui sāra.” da hanghai.

LAA 105:44

Kala ana yurbingwui ngalei athumli mi; kala mina vāsang kahai chiwui athei athumna hāta,

LAA 49:14

Yao thāda athum Kathewui ramwui vang ngarān kahaina; Kathe china athumwui kahoma sāra; chikhurli ngatarda athum tāzangra, kala athumwui phasā shimānhaora; Kathewui ram chi athumwui shim ngasāra.

EZEKIEL 47:22

Nathum saikora kala nathumli ngasopamda nao pharāsang kahai athum saikoralila ngayarmiserki kajina. Athumla Israelshang thāda luichumnaosera; chiwui vang athumlila Israel shangli khayar thāda yarphalungra.

DANIEL 7:27

Kala wungramla kala pangshapla kala kazingram hupvawui azingli khalei khareia wungram, Chuikhamataiawui katharabingli mihaora; athumwui wungram katang mavaimara, kala pangshap saikorana athumwui otram ngatha̱ra kala kahāng nganāra.”

MISHĀN 26:52

Prohona Mosesli hānga:

MISHĀN 26:54

Hakkhamei shangli nana hakkhamei shimlui milu, kala teokhamei shangli teomeida milu; shang kachiva̱li mashingwui athishurda shimlui ngarin ngasaklu.

MISHĀN 33:54

Nathumna shangwui athishurda kalā yanglaga ngalei chi khuira; shang kateona teoda kala shang kahakana hakta samphangra; kalā yanglaga kashok chi mi chipawui sāra, navā ngarāwui shimkhur athishurda shangbing china ngalei chi khuira.

MATTHEW 5:5

Khanimabing chi sokhamina, khikhalajila athumna okathui chi mathunkhuira!

JOSHUA 1:6

Pingmeida malung zangmeilu; kaja mibing hili mirada avāva̱ ngarāli ina ngashit kahai ngalei chi akhui khavai nana mibingli thānzangra.

JOSHUA 11:23

Chieina Prohona Mosesli kakaso athishurda, Joshuana ngalei katonga chi yuikhui; kala Joshuana Israelwui shimlui sākhavai shang-shangli yarmi, kala ngalei chi rai masāluila chingrihaowa.

JOSHUA 14:1

Kala hibing hi pāngmon Eleazar, Nunwui naomayara Joshua kala Israel shangwui avāva̱ ngarāwui shimkhur akhavābingna Canaan ngaleili Israelnaobingli ngayarkhami shimluina.

PHONGKHAMI 21:27

Kha khamakhao ot akhala hili mazangpaimara, sākakhamāng kala khayon-khamāng ot kasābing mazangpaimara; kha Yaonaowui kharinga lairikli aming kapikahaibingmāng zangra.

PHONGKHAMI 5:10

Vareli otram ngatha̱ khavai nana athumli pāngmonbingwui wungram akha semmi, kala athumna okathui hi mungra.”