MISHĀN 25:2 - Kathara Bible (BSI)

² Otsakbing hina mibingli athumwui varebingli pha̱kaphayāli zang ngasaka, kala mibingna sāla shai, kala athumwui varebingli khoruma.

MISHĀN 25:2 Iomraidhean Croise

1 WUNGNAOBING 19:18

Chithālala Israelwui alungli, Baalli khuktida makhorumlak kaje, kala khamor mangasunlak kaje mi thingshini haisara.”

LAA 106:28

Chieina athumna Peorwui Baalli vāngaruma, kala katheli kapha̱ sā shaiya;

SHONGZĀ 20:5

athumli khayāmashipaimara lah makhorumpaimara; khikhalajila Proho nathumwui Vare iya mikpaikashe Varena, ili ningkakachaiali avāva̱ ngarāwui naongarāli naothot kakathuma kala khamate eina tangda tandi khame,

SHONGZĀ 22:20

“Proho maningla vare khangateili pha̱kaphayā mili zakshilāk eina shimān ngasakra.

SHONGZĀ 23:24

athumwui varebingli makhorumpaimara, lah otramla mangatha̱paimara, athumwui kasā thadala masāpaimara, kha saikora chi sākazammiserhaida pākra̱ eina tangda akha̱ sāngasaklu.

SHONGZĀ 32:6

Akhama kathā athumna ngathorthāk ngakarthuida rikkatā kachigat kala ningyatchigatwui vang khuirai, kala mibingna phāshak phāzāda kala ngakarthuida lumshilao sai.

JEREMIAH 40:11

Chi tākam eina Moabli leikasābing, Ammonnaobingli ngasopamkasābing, Edomli kala apam khangatateili leikasā Jehudibing chila, Judahnaobingli shākkahai nothā kahaibingwui vang Shaphanwui naomayara Ahikamna kapharā Gedaliahli Babylon awungana lammunga sanghaira kaji kashā tharan,

HOSEA 9:10

lamhāngwui drakhāthei thāda, ina Israelli samphanga. Matheikhare khaorāthei thāda ina nashāvā ngarāli thei. Kha athumna Baal-peorli vāda Baal varebing mangāli athum khalatta tharchigata; kala athumna ningkachānga ot thāda athumla ningkachaihaowa.

MICAH 6:5

O iwui mibing, Moabwui awunga Balakna khiwor sākhala kaji; kala Beorwui naomayara Balaamna ali khi ngahānkā; kala Shittimwui eina Gilgal khavāli khi shokkhala kaji phaningunglu; chieina nathumna Prohowui huikhami otsak chi theipaira.”

1 CORINTHNAO 10:20

Maningmana, ina kahāngva, mashitkasangbingwui hanphutli kapha̱ chi Vareli maningla kameoli kapha̱na. Chiwui vang eina nathumli kameoli khangaruma masā ngasakngaimana.

KHALATLUI 32:38

athumwui kapha̱sā kashai chi, kala athumwui ra̱shakchigat khamang chi? Athumna nganingkāda nathumli ngachonmiranu, athumna nathumwui ngayin khavai sāranu!

JOSHUA 22:17

Ithumna Peorli morei sāshap sākahai chiwui eina ithum khalatta arui eina tangdala mapheomiranga; kala chiwui vang Prohowui mibingwuitungli kazātkashi kharāna,

JOSHUA 23:16

kalikhada nathumna Proho nathumwui Varena mikahai tuingashit, kala ana nathumli kaso kahaili ngakaishida khangatei varebingli otram ngatha̱da, kala khorumakha, Prohona nathumli malungvātta nathumli mikahai kaphā ngalei hiwui eina nathum thaklāk eina shimānhaora.”

JOSHUA 23:7

chithākha nathumwui ngachaili yur khangateiwui mi leida khalei chili mamanātmara, lah athumwui varebingwui mingla masingmara, lah athumwui ming singda shākhi masāmara, lah otram mangatha̱mara, lah nathum khalatta mashunzangda athumli makhorumara,

PHONGKHAMI 2:14

Kha nathumli mamayākhangai kateokha lei; nathumwui ngachaili Balaamwui tamkachithei khuikasang mi kha lei, ana Balakwui tui tamchitheida Israelnaobingli phei ngaphok khavai sai. Kameoli kapha̱sā shaikhavai, ngalā ngashām khavai ana kasatsanga.