MISHĀN 24:2 - Kathara Bible (BSI)

² Balaamna ngashantāda Israel shang-shang eina rāmrah sākapam chi Balaamna thei. Kala Varewui manglā ali rāzanga,

MISHĀN 24:2 Iomraidhean Croise

2 THOTRINCHĀN 15:1

Odedwui naomayara Azariahli Varewui Manglā zangmida,

SOLOMONWUI LAA 6:10

“Ngathor kazingkathang kathāva̱, kachāng thāda yangkhangaiva̱ zimik thāda kahorva̱, raimi thāda sākashe philān kasinga kathāva̱ chi khipākhala?”

SOLOMONWUI LAA 6:4

Iwui leikashiva̱, nava Tirzah thāda mathai, Jerusalemwui ningshāt thai, philān kasing raimi thāda khangachee azakna.

MISHĀN 24:5

O Jacob, nawui kachonshim kayākha mathāli, O Israel, nawui rāmrahsom kayākha yangngaili!

MATTHEW 10:4

yurli leikashe Simon kala Jishuli yankasaia Judas Iscariot.

MATTHEW 10:8

Kakazābingli raimilu, kathebingli ringngasaklu, phārrei kakazābingli tharmilu, kameobing kashamshokmilu. Nathumna aman mamila samkaphangna, chithada aman makhuila milu.

MATTHEW 7:22

Chithanghon mi kachungkhana ili ‘Proho, Proho, ithumna nawui sāshap-pangshap chieina mamarānmala? Kala nawui pangshap eina kameo makashamshokmala? Nawui sāshap-pangshap chiwui alungli ithumna matakhak kahai tarākha masāmala?’ da hāngra.

LUKE 10:20

Chitha-ilala nathumna kameobingli yuihaowa kajiwui vang mamathānhailu, kha nathumwui ming kazingramli kapihaili kajiwui vang mathānlu.”

PHONGKHAMI 1:10

Prohowui zimiksholi I Manglā eina leisai, kala talla̱khon thada chuilak kahai akhon akhana ikhanukshong khamatui shai.

WUNGVA̱-WUNGVĀ 3:10

Prohowui Manglāna awuitungli tāshungmida ana Israelli mungsai; kala ana thānda rai vai, kala Prohona Mesopotamiawui awunga Cushan-rishanthaimli awui pāngli horsangmida ana yuihaowa.

1 SAMUEL 10:10

Anina Gibe-ahli ungkashung tharan, ali marān kachungkha samphanga; kala awuitungli Varewui manglā zangmida ala phongkhami tui matuiya.

1 SAMUEL 19:20

Chieina Saulna Davidli akhui khavai paomebing chihovai; kala marānbingli Samuelna thānda marān kasā chi athumna athei, kala paomebing chilila Varewui manglā zanghaida athumla marānphokuwa.

1 SAMUEL 19:23

Chieina ana chiwui eina Ramahwui Naiothli phāvai; kala alila Varewui manglā zanghaida, Ramahwui Naioth mavāshungranglakha eina tangda ala marānmamānda vai.