MISHĀN 24:10 - Kathara Bible (BSI)

¹⁰ Kala Balakna Balaamli malungvātlakhaoda apāng kaphelaga Balaamli hānga, “Iwui yangkashebingli khonshi khavai nali kahona, kha yanglu, nana hithāda kathum shida somihaira.

MISHĀN 24:10 Iomraidhean Croise

NEHEMIAH 13:2

kaja athumna Israelnaobingli samkaphang tharan kashakazāla tara̱la mamimana; kha athumli khonshi khavai Balaamli phāsanga, chithālala ithumwui Varena khonkashi chi sokhami ngachei ngasaka.

JOBWUI LAIRIK 27:23

China ali pāng kapherora kala apam chiwui eina ali kasirora.

EZEKIEL 21:14

“Chiwui vang eina miwui naomayara, marānmilu, napāng kaphelu kala raighai chi khanishida, mha, kathumshida shātthatki kajibingwui vang ngawutlu; hakkhamahā shaokathatwui raighaina, athumli kuikhanama,

EZEKIEL 21:17

Ila ipāng kaphera, kala iwui malungkhavāt ningyāngkhaung sākhuira; Proho ina hāngkahaina.”

EZEKIEL 22:13

“Yanglu, chiwui vang eina, nathumna makhamashung eina tongkazā kala nathumwui ngachaili ashee tākahai chiwui vang ina pāng kakaphena.

MISHĀN 22:11

‘Yanglu, Egyptwui eina miyur akha shokta okathui ngalei pemhaira; arui rāda mibing hili iwui vang rākhonshimilu; chithāda ina athumli ngararda kashamshokhaipai.’”

MISHĀN 22:17

kaja ina nali khayakālak eina sāmira, kala nana ili kahānghāng chi ina sāra; ralu mibing hili iwui vang khonshimilu!”

MISHĀN 22:6

Ralu, athum iwui vang pingnāhaokada mibing hili iwui vang khonshimilu; chithāda athumli ina yuihaida ngalei hiwui eina kashamshaplapai. Kaja nana somi kahai a chiya sokhamina, kala nana khonshi kahai a chiya kalākashina kaji ina thei.”

MISHĀN 23:11

Kala Balakna Balaamli hānga, “Na khi kasākhala? Iwui yangkashebingli khonshi khavai ina nali hokakhuina kha yanglu, nana athumwuitungli khikha masāla somihaira.”

MISHĀN 24:11

Chiwui vang eina ara naram ungulu; ‘Ina nali khayāshira’ da ina hānghaisai, kha khayākashi chi Prohona nawui khāmhaira.”

MISHĀN 24:9

Ana kazingkha̱ thada ngayaipama, kala kazingkha̱ ava̱ thāda; khipāna ali mathotshaprakhala? Nali sokhamibing chili sokhami ngasāranu, kala nali khonkashe chili khonkashi ngasāranu.”

OTSAK 11:10

Hithada kathum shida shokhailaga saikora chi kazingram khuikāluihaowa.

KHALATLUI 23:6

Athumli mashit khavai maleimana, lanla kahao khavai maleimana.