MISHĀN 23:8 - Kathara Bible (BSI)

⁸ Varena makhonkashi yurli ina, kathāda khonshira! Prohona makhamashāta a chili ina kathāda mashātra?

MISHĀN 23:8 Iomraidhean Croise

CHĀNSAM 26:2

Konghi ngashingkazat thāda, yāngyao yongkazat thāda, kashong maleila khonkashi matāmana.

ISAIAH 44:25

Kakapikbingwui khamachutli ningsuitā khangasaka, varebingwui tui khamatuibingli, mangma̱ khangasaka, thangkhamabingli sa̱na̱ung khangasaka, kala athumwui theithangkhameili mangma̱ khangasakana;

MISHĀN 22:12

Varena Balaamli hānga, “Na athumli mangasovāpaimara; nana miyur chili makhonshipaimara, kaja athum somi kahaiyana.”

MISHĀN 22:6

Ralu, athum iwui vang pingnāhaokada mibing hili iwui vang khonshimilu; chithāda athumli ina yuihaida ngalei hiwui eina kashamshaplapai. Kaja nana somi kahai a chiya sokhamina, kala nana khonshi kahai a chiya kalākashina kaji ina thei.”

MISHĀN 23:20

Yanglu, somi khavai ili kasohaira; ana somi kahai ina makhalanpaimana.

MISHĀN 23:23

Kaja Jacobli suida makānāmana, Israelli meowor sāda makānāmana. Ara Jacob eina Israelli hithāda hāngra, ‘Varena khi sāmihaira!’

MISHĀN 23:7

Balaamna matuiki kaji matuiphoka. “Moabwui awunga Balakna Aramwui eina ili khuirai, zingsho phungreiramwui eina: ‘Ralu, Jacobli rakhonshilu iwui vang! Kala rālu, Israelli rāmashātlu!’