MISHĀN 23:5 - Kathara Bible (BSI)

⁵ Kala Prohona Balaamwui khamorli tui sangmida hānga, “Balakli latunglu, kala hi ali hānglu.”

MISHĀN 23:5 Iomraidhean Croise

SHONGZĀ 4:15

Nana ali ngazekta tui saikora ali hāngngasaklu; kala ina nakhamorlila, a khamorlila ngasomira, kala nanina khi sārakhala kajila tamchitheira.

CHĀNSAM 16:1

Ning eina khangaran kasā hi miwuina, kha male eina ngahānkakā Prohowui einana.

CHĀNSAM 16:9

Miwui ningna awui apong ngarāna, kha Prohona awui pheikār chiza̱mi.

ISAIAH 51:16

Kala iwui tui nakhamorli sangmihaira, ipāngwui khaya̱li thumihaira, kazingram phayaishokta, okathuiwui shimphunga rungkhuida, ‘Nathum iwui miyurna’” da Zionli hānga.

ISAIAH 59:21

“Iwui vanga, hi athumli ina tuingashit kasāna da Prohona hānga: nathumwuili khalei imanglā, kala nathumwui khamorli sangmi kahai iwui tui chi nathum khamorwui eina mapākthuimara, nanao ngarāwui khamorwui einala kala nanao naongarāwui naongarāwui khamor einala, aja eina thuilaga khanao eina tangda mapākthuimara da Prohona hānga”.

JEREMIAH 1:9

Chiwui thili Prohona apāng katingrālaga imorchaili saza̱da ana ili hānga, “Yanglu, ina iwui tui nakhamorli sangmihaira.

MISHĀN 22:20

Kala Varena ngayāshong rāda Balaamli hānga, “Mibing china nali rākahona jiakha ngakarthuida athumli ngasoda zatlu; kha ina kahāng chimāng nana sāki kajina.”

MISHĀN 22:35

Kala Prohowui kazingrao china Balaamli hānga, “Mibing chili ngasoda vaulu; kha ina kahahāng tui chimāng nana hāngra.” Chieina Balaamna Balakwui wungnaobingli ngasoda vāhaowa.

MISHĀN 23:16

Kala Prohona Balaamli samphanga, kala akhamorli tui sangmida hānga, “Balakli hanungulu kala chithāda nana ali hānglu.”

MISHĀN 23:4

Kala Varena Balaamli samphanga, kala Balaamna hānga, “Ina hanphut shini ngarānhaira, kala hanphut ava̱va̱li mukkā akha, yaovā akhada chigathaira.”

MISHĀN 23:6

Kala Balaamna ali latunga, kala yanglu, Balak eina Moabwui wungnaobing hanphut chiwui ngalemli nganingsai.

LUKE 12:12

kaja Manglā Katharana nathumli atam chichangli nathumna hāngkhangayi chi tamchitheimira.”

JOHN 11:51

Kachangkhat hi awui ning eina kahāng maningmana, kha chikum ana Pāngmon Kharei sāsāhaoda Jihudi yurwui vang Jishuna thimira kaji hāngkhamarānna.

KHALATLUI 18:18

Achinā ngarāwui eina ina na thāda marān akha shokngasakra, kala awui khamorli iwui tui sangmida ina kagaso saikora ana athumli hāngmira.