MISHĀN 23:3 - Kathara Bible (BSI)

³ Kala Balaamna Balakli hānga, “Nawui rikkatā kachigatwui ngalemli nganinglu, I thuihaoka, Prohona ili rāsamphanglapai; kala ili kachithei saikora chi ina nali hāngra.” Ana juikhamei apamli kai.

MISHĀN 23:3 Iomraidhean Croise

HAOKAPHOK 22:13

Kala Abrahamna amik kapeikakā tharān, yanglu, awui khanukshong khararli angachi ngaruishāntitlaga yaovā akha leisai; kala Abrahamna yaovā chi akhuilaga Isaacwui mahut rikkatā kachigat sāda pha̱phayāhaowa.

HAOKAPHOK 22:2

Ana hānga, “Nawui akhamāng kaje naomayara nana leishilak kahai Isaacli Moriah ngaleili, ina chitheiki kaji phungrei chili thānvāda rikkatā kachigat akha sāda apha̱haolu.”

HAOKAPHOK 8:20

Chieina Noahna Proholi hanphut akha sākhuida kathara sāyur kala vānaoyur kachiva̱ khuida rikkatā kachigat akha sai.

SHONGZĀ 18:12

Kala Moseswui awova̱ Jethrona Vareli rikkatā kachigat kala pha̱kaphayā akha sai, kala Aaronna Israelwui ararbing saikorali thānrāda Varewui mangāli Moseswui awova̱li phazāruma.

PĀNGMONSHI 1:1

Prohona Mosesli kazip khavai kachonshimwui eina hoshokta hānga,

MISHĀN 23:12

Ana ngahānkai, “Prohona ikhamorli sangkhami chi maningla ina khi matuirakhala?”

MISHĀN 23:15

Balaamna Balakli hānga, “Ina lākhavāk Proholi vāsamphangda leilakha nawui rikkatā kachigat hiwui ngalemli nganingsālu.”

MISHĀN 23:2

Balakna Balaamwui kahāng chi sai; kala Balaam eina Balakna hanphut kachiva̱li mukkā eina yaovā chigata.

MISHĀN 23:26

Balaamna Balakli ngahānkai, “Prohona kahahāng chi ina sāra da ina rida mahāngmala?”

MISHĀN 23:4

Kala Varena Balaamli samphanga, kala Balaamna hānga, “Ina hanphut shini ngarānhaira, kala hanphut ava̱va̱li mukkā akha, yaovā akhada chigathaira.”

MISHĀN 24:1

Prohona Israelli ningyāngkhaung somikhangai chi theihaoda, Balaamna kharewui thāda Vareli ngasan khavai mavāluimana, kha lamhāngvāk mai ngareivai.

MATTHEW 4:8

Chipee china ali kaphung kajuiva̱ akhali khuikāluishita kala okathuili khalei wungram saikora chitheida chiwui tekhamatei ngashānyang ngasaka;

JOSHUA 24:10

kha ina Balaamli manganāsangmimana; chiwui vang ana nathumli somihaowa; hithāda ina nathumli awui pāng eina kanshokmi.