MISHĀN 23:19 - Kathara Bible (BSI)

¹⁹ Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

MISHĀN 23:19 Iomraidhean Croise

HAOKAPHOK 26:3

Ina kahāng apam chili vālu, ina nali ngasomira kala somira; nali kala nawui ara̱-azāli; navā Abrahamli ngashit kahai chi ungshung ngasakta ram saikora chi na eina nawui atheili mira.

HAOKAPHOK 28:15

Yanglu, ina nali ngasomidalei, kala nawui khavāpam kachiva̱li thānmira, kala ngalei hili khuiungmiluishitra; kaja ina hāngkahai chi nali masāmiranglakha eina tangda mathāhaimara.”

1 WUNGNAOBING 14:11

Jeroboamshiwui mi keinungli katheli fana shaira; kala lamli katheli khamasaili yongkazata vānaona shaira: kaja hi Prohona hāngkahaina.’”

2 WUNGNAOBING 15:12

(Hi Prohona Jehuli, “Nanao mayarabingna thot khamate eina tangda Israelwui wungpamkhongli pamra.” Kala chithāda rāshoka.)

2 WUNGNAOBING 7:2

Awungana pāngli shaikapama raimi kathāna china Varewui mi chili hānga, “Prohona kazingramwui charfabing shomilala shaprala?” Kha ana hānga, “Nawui mik eina theichaora, kha nana chi kazā masamphangmara.”

1 THOTRINCHĀN 17:17

O Varivara, hiya nawui miktāli kateo otsak ngasāsai, hili lāngmeida, naoda rāki kaji naraowui shimkhurla, kala naoda rāki kaji thotbingla chitheimihaira, O Proho Vare!

LAA 110:4

Prohona ngashithaira, kala awui ning mangacheimara; “Nala Melchizedekwui thili kazang pāngmon akha ngasāchingra.”

LAA 132:11

Prohona Davidli kachangkhat ngashita, chiwui eina ana masa̱na̱ungmara: “Nanao akhali ina nawui wungpamli chipamra.

LAA 77:9

Varena lukhamashan malaihaola? Malung vavāt eina awui lukhamashan shungkham kahaila?”

LAA 89:34

Iwui tuingashit ina masākhaimara, lah imorchai eina shokkahai tui chila mangacheimara.

LAA 89:35

“Iwui tharkhamatheng eina ina akhashida ngashithaira; ina Davidli makapikmara.

ISAIAH 21:17

kala Kedarwui nao ngarāwui kapinga malā singkathei kateokhamāng taimara; kaja Proho Israelwui Varena hāngkahaina.”

ISAIAH 31:2

Kha chithālala ana thangmeihaida kalākashi khuirai; kala awui tui masutmana, kha makaphā kasā shimkhur kala khayonkhamāng kasāli khangachonbing, athumli mathāhaimara.

ISAIAH 40:8

Thingnāna thenga, awonla ngahui, kha ithum Varewui tui mashimānda leichingra.

ISAIAH 46:11

zingshoshong eina sāshaiwui vānao, iwui kahāng athishurda kasā mi akha katāva̱wui eina hokhuira, ina hānghaira, kala chi ina ungshung ngasakra; ina ngarānhaira, kala ina chi sālakra.

ISAIAH 55:11

Iwui khamorwui eina kashok iwui tuila chithāra; khamasai eina ili malatungmara, kha ina khangarān chi ungshung ngasakra, ina kachiho chiwui athishurda reisang ngasakra.

JEREMIAH 4:28

Hiwui vang okathuina sifara, kazingram atungna zikra; kaja ina hāngkahaina, ina ngarān kahaina; ining mangacheiranga, chili lāngda I mangalanluimara.”

DANIEL 4:28

Saikora chi awunga Nebuchadnezzarli shoksera.

HOSEA 11:9

Ina iwui malungkakang chi marāza̱ ngasakmara, Ina Ephraimli masāshimānluimara; kaja I mikumo maningmana, Varena, nathumwui ngachaili Katharapa chi Ina; kala ina sākazam khavai marāmara.

MICAH 7:20

Achālakha nana ishāvā ngarāli ngashitkhami thāda, nana Jacobli ningkatong kala Abrahamli leikashi chi chitheira.

HABAKKUK 2:3

Arui eina tangda mahākhami chiwui atam ngaraichingdalei; atam chi thākta rāra—makapikmara. makahatlakla rāra, mahuinganong mara.

MALACHI 3:6

“Kaja iya makhangachei Prohona; chiwui vang eina Jacobwui naomayarabing, nashi makashimāna.

MISHĀN 14:35

Proho, ina, hānghaira; makhayā katonga, chiya ili mamayāmada kazip kakhui ashangva̱li makahatlakla ina hi sāra: lamhāng hili athum ngachangchaohaora, kala chili athum thira.”

MISHĀN 23:18

Chieina Balaamna matuiki kaji matuiphoka, “Ngakarthuilu, Balak, kala nganālu, Ili nganālu, O Zipporwui nao:

LUKE 21:33

Kazingram eina okathuila shimānhaora kha iwui tuiva kachilikha mashimānmara.

ROMNAO 11:29

Kaja Varewui sokhami kala kaho hiya mangacheiluimana.

ROMNAO 9:6

Israelnao saikora Varewui kapangkhui kahai maningserthuwa kajiwui vang Varewui ngashitmi kahai maungshungthura da kahāng maningmana.

2 TIMOTHY 2:13

Ithumna maningtonglala, ava ningtongchinga. kaja ava akhalatta maminamana.”

TITUS 1:2

Chi makashimān mirinwui kachihānli pheisin sai. Makakapika Varena okathui masāranglakha mirin chi ngashitmihaikasāna,

HEBREWNAO 6:18

Chili khamataia khani lei, chiya mangacheipaiki kaji kala Varena maningmana majiki kaji china. Chieina awuili ningkhalum samphang kahai ithumwui vanga ithumwui mangāli haimi kahai kachihān chili singtit khavai panglāk eina kasatmiya.

HEBREWNAO 7:21

Rida pāngmon otsin kasingbingna tuingashit makhuila pāngmon sāsai, hipā hiva tuingashit zangda pāngmon ngapham khui; kaja Varena hithada hānga: “Prohona khangashit sāhaira, awui ning mangacheiluimara; mashimānda nana pāngmon sāra”

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.

JAMES 4:5

Kathara tuili, “Varena ithumwui wuklungli sangmi kahai manglā chili makaphā ningkachāngna pemthuihaowa” da hāngkahai hili khamashung maleimana da phaninglā?

JOSHUA 21:45

Prohona Israel shimkhurli kaphā ngashit kahai saikora maungkashung maleimana; saikora ungshungsera.

1 SAMUEL 15:29

Kala Israelwui Tekkhamatei chinala makapikmara lah ning khangateila maleimara, kaja a mikumo maningmana.”

1 SAMUEL 3:12

Chithang ina rida hāngkahai athishurda khare eina thuilaga khanao eina tangda Eliwui shimkhurli ungshung ngasakra.