MISHĀN 23:16 - Kathara Bible (BSI)

¹⁶ Kala Prohona Balaamli samphanga, kala akhamorli tui sangmida hānga, “Balakli hanungulu kala chithāda nana ali hānglu.”

MISHĀN 23:16 Iomraidhean Croise

MISHĀN 22:20

Kala Varena ngayāshong rāda Balaamli hānga, “Mibing china nali rākahona jiakha ngakarthuida athumli ngasoda zatlu; kha ina kahāng chimāng nana sāki kajina.”

MISHĀN 22:35

Kala Prohowui kazingrao china Balaamli hānga, “Mibing chili ngasoda vaulu; kha ina kahahāng tui chimāng nana hāngra.” Chieina Balaamna Balakwui wungnaobingli ngasoda vāhaowa.

MISHĀN 23:15

Balaamna Balakli hānga, “Ina lākhavāk Proholi vāsamphangda leilakha nawui rikkatā kachigat hiwui ngalemli nganingsālu.”

MISHĀN 23:17

Ana khaung eina, yanglu, Balak eina Moabwui wungnaobing rikkatā kachigatpam chili nganingsai. Kala Balakna ali hānga, “Prohona khi hāngkhala?”

MISHĀN 23:5

Kala Prohona Balaamwui khamorli tui sangmida hānga, “Balakli latunglu, kala hi ali hānglu.”

MISHĀN 24:1

Prohona Israelli ningyāngkhaung somikhangai chi theihaoda, Balaamna kharewui thāda Vareli ngasan khavai mavāluimana, kha lamhāngvāk mai ngareivai.

KHALATLUI 18:18

Achinā ngarāwui eina ina na thāda marān akha shokngasakra, kala awui khamorli iwui tui sangmida ina kagaso saikora ana athumli hāngmira.