MISHĀN 23:14 - Kathara Bible (BSI)

¹⁴ Kala ana ali Zophim tampāk kānlaga Pisgah kaho kajuipam akhali thānkai, kala hanphut shini sālaga hanphut ava̱va̱li mukkā akha, yaovā akhada chigata.

MISHĀN 23:14 Iomraidhean Croise

ISAIAH 46:6

Lupākhaowui eina sina pāngtongda khuikashokbing, kala lupāsa tamkhavaili onkashok bingna; sina kasā mili masākhui kala ana vare akha sākhui; chiwui thili athumna ngakhumshāmhaida khoruma!

HOSEA 12:11

Gileadli khayonkhamāng leiakha, athum makahatlākla khikha makhaninga ngasāra, Gilgalli athumna mukkā pha̱phayaakha, athumwui hanphut chila luiwui rashongli lungkhor khor kahai thahaora.

MISHĀN 21:20

kala Bamothwui eina Moab ngaleiwui tampāk, Pisgahwui atung eina yangkazang siwuk chili vai.

MISHĀN 23:13

Chieina Balakna ali hānga, “Athumli theikapai apam khangatei akhali ili ngasovāda, athum katonga matheilala nganaida khaleibing theira. Chiwui eina nana iwui vang athumli khonshilu.”

MISHĀN 23:15

Balaamna Balakli hānga, “Ina lākhavāk Proholi vāsamphangda leilakha nawui rikkatā kachigat hiwui ngalemli nganingsālu.”

MISHĀN 23:29

Kala Balaamna Balakli hānga, “Hili hanphut shini sālu, kala mukkā shini, yaovā shini iwui vang khangarān sāmilu.”

KHALATLUI 3:27

Pisgahwui phungreitonli kālaga zingtunshong, atungshong, azingshong, kala zingshoshong kuimareida namik eina yangda ngashānkhuilu; kaja na Jordan hi makānmara.

KHALATLUI 34:1

Kala Mosesna Moab tampākwui eina Jericholi kāroda khalei Nebowui Pisgah Kaphungli kai. Kala Prohona ali ngalei saikora chithei; Gilead eina thuilaga Dan tāshunga,

KHALATLUI 4:49

kala Jordan zingshoshong khalei Arabah Ngayi katonga vāshungda Pisgah phungrei pheili thari sākhui.