MISHĀN 23:10 - Kathara Bible (BSI)

¹⁰ Jacobwui chifa khipāna shānshap, lah Israelwui mishān khipāna machukshapkhala? Khangarong chiwui mithit ili thingasaklu, Iwui khanaowa awui thāngasaklu.”

MISHĀN 23:10 Iomraidhean Croise

HAOKAPHOK 13:16

Nawui ara̱-azā okathuiwui chifayākha ngasā ngasakra; chieina mina chifa shānkhuishapakha nawui ara̱-azāla shānkhuishapra.

HAOKAPHOK 22:17

kachangkhat ina nali somira, kala ina nawui ara̱-azā kazingli khalei sirāyākha kala kongpheiwui situiyākha ngasā ngasakra. Kala nawui ara̱-azāna nawui yangkashebingwui ngavei khavangra.

HAOKAPHOK 28:14

nawui ara̱-azā okathuiwui chifayākhara, kala nathumna zingtunshong kala zingshoshong kala atungshong eina azingshong vāpeira; kala na eina nawui ara̱-azāwui eina okathuiwui shimkhur saikorali sokhami ngasā ngasakra.

LAA 116:15

Prohowui mikyanli aman kasak hiya awui katharabing kathi hina.

LAA 37:37

Shāt makakā mili machutkhuilu, kala mashungrik kahai chili yanglu, kaja chingri kahai miwui mataikasang lei.

CHĀNSAM 14:32

Makhayā mili awui makaphāna chithita, kha khangarong mina awui ningsākhangazipwui mangā eina ngayin khavai samphanga.

MISHĀN 2:16

Reubenwui rāmrah eina athumwui shang katonga mishān lakh akha thing hangphangā shāmati hangphangāna. Athumna kakhaneli zatra.

MISHĀN 2:24

Ephraim shangwui rāmrah katonga, kānglup athishurda mishān lakh akha thingchishat shākhana. Athumna kakathumali zatra.

MISHĀN 2:31

Dan shang saikora rāmrahwui mashing lakh akha thing hangphangāda shini shātharukna. Athumwui philān athishurda athumna naoda zatra.”

MISHĀN 2:9

Judahwui rāmrah athumwui tangbing chiwui katonga mishān lakh akha thing hangchishatta tharuk shāmatina. Athumna rimeikapta zatphokra.

MISHĀN 31:8

Midiannaowui awungabing kala khangateibingli ngasoda shaothathaowa; awungabing chiya, Evi, Rekem, Zur, Hur, kala Reba athum phangāna; Beorwui nao Balaamlila raighai eina sāthathaowa.

2 CORINTHNAO 5:1

Ithumna thei kaja okathuili khalei ithumwui shim hi shimānhailala kazingramli mashimānla leichingki kaji miwui pāng eina makasā Varena ngarānkhami ithumwui pamkhavai shim akha lei.

PHONGKHAMI 14:13

Chili lāngda, kazingramwui eina akhon akhana kahāng ina shai; “Hi kapikhuilu, aja eina thuida Prohowui vang eina thikahaibing sokhami ngasāranu,” “Sokhami ngasākachangkhatranu, kaja athum kachotkachāngwui eina ngasāmkhuipaira; athumwui khamathā otsak chi athumli ngasozatta lei,” da Manglāna hānga.