MISHĀN 22:41 - Kathara Bible (BSI)

⁴¹ Kala akhama katha Balakna Balaamli ngasophungda Bamothbaalli shanga; kala ana apam chiwui eina chili nganaida kapam mibing chi thei.

MISHĀN 22:41 Iomraidhean Croise

2 THOTRINCHĀN 11:15

kala kajujui apambingli ana sākakhui, satyrwui vang, kala seinaowui vang akhalatta pāngmon phāsangphaphai.

JEREMIAH 19:5

Athumna Baalli khorum khavai kajujuipamli hanphut sākhui, kala ina makakaso lah iwui ningli maleisālak kaji ot sāda athumwui naomayarabingli Baalli pha̱khavai hanphutli riktai.

JEREMIAH 48:35

Kajujuipamli pha̱phayāda kala awui vareli nganamkaphā rik-katā ali Moabli ina shummihaora da Prohona hānga.

MISHĀN 21:28

Kaja Heshbonwui eina mei shoka, Sihonwui keinung eina meiwon shoka. China Moabwui Ar chuitai, Arnonwui akhokabing pitai.

MISHĀN 22:40

Kala Balakna sei kala yao pha̱phayālaga Balaam eina ali ngasokazata wungnaobinglila chiphunvai.

MISHĀN 23:1

Kala Balaamna Balakli hānga, “Hili iwui vang hanphut shini sālu, kala mukkā shini, yaovā shinida ngarānmilu.”

MISHĀN 23:13

Chieina Balakna ali hānga, “Athumli theikapai apam khangatei akhali ili ngasovāda, athum katonga matheilala nganaida khaleibing theira. Chiwui eina nana iwui vang athumli khonshilu.”

KHALATLUI 12:2

Kachangkhat eina nathumna kashamshokki kaji yurbingna otram khangatha̱ athumwui varebing, kajuiya phungreili kala phungrābing, kala khamateka thingpheilila khalei apam saikora sākazamiserra;