MISHĀN 21:9 - Kathara Bible (BSI)

⁹ Chieina Mosesna pithrai eina phara̱ akha sākhuida thingtungli shaoshānhai; kala phara̱na mili makeiakha pithraiwui phara̱ chili yangkāda ringa.

MISHĀN 21:9 Iomraidhean Croise

2 WUNGNAOBING 18:4

Ana kajujui apambingli sākahai kameopam sākazammihailaga lungkhorla pheimihaowa, tarungla sātekmiserhaowa. Mosesna sākakhui pithraiwui phara̱ chila akha̱ sāmihaowa, kaja atam chitharan eina tangda Israelnaobingna chili nganamkaphā thao riktāsai; chili Nehushtan da hoi.

ISAIAH 45:22

“Ili ngareiungda huikhuilu, okathui akatang saikora! Kaja I Varena, katei maleiluimana.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

JOHN 1:29

Akhama kathā Jishu rākharā theida Johnna hānga, “Yanglu, okathuiwui morei khuithuikhame Varewui Yaonao!

JOHN 12:32

ili okathuiwui eina khangkakā tharan, mi saikorali iwui ngalemli ngakhunrāra.”

JOHN 6:40

Hi iwui Avāwui ningkachāngna kaja Anaomayarali theilaga ali shitkasangbingli katang makhavai kharing samphang ngasakra. Kala khanaowa zimiksholi ina ali ringshok ngasakra.”

ROMNAO 1:17

Kaja, Varivarana mikumoli kathada mashungmikhala kaji hi pao khamathāna phongmi: hi khare eina thuilaga khanao eina tangda shitkasang mangā einana. Hithada kapihaida lei, “Shitkasangwui mangā eina khangaronga ā chi ringra.”

ROMNAO 8:3

Mikumowui phasāna ngazanhaoda ainna masākharar chi Varena sāshapa, chiya Varena Anaomayarali morei shimitmi khavai mikumowui khangachā chi khuingasakta chihorai, kala mikumowui khangachāli khalei morei chi Varena mamayāmana.

2 CORINTHNAO 5:21

Kaja morei makhalei ali ithumwui vang eina morei phungngasaka, chiwui vang eina awui lungli ithum Varewui khamashung-khangaronga ngasāpai.

HEBREWNAO 12:2

Haokaphok eina thuilaga akatang eina tangda ithumwui shitkasang phumhaiki kaja Jishuli yangchingsa. Ana krushli ngacheeda mayāmmana! Kha ali ngaraida khalei khamathān chiwui vang, krushtungli kathiwui maishātli ana khikha mahengsangmimana, kala ara Varewui wungpamkhong yāshong pamda lei.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.