MISHĀN 21:34 - Kathara Bible (BSI)

³⁴ Kha Prohona Mosesli hānga, “Ali mangacheelu, kachiwui vangkhala jila ina a kala awui mibing kala ngalei nawui pāngli sangmihaira; kala Heshbonli sompamkasa Amorwui awunga Sihonli sākhami thāda alila sāmipapamra.”

MISHĀN 21:34 Iomraidhean Croise

2 SAMUEL 5:19

Kala Davidna Vareli, “Philistinenaobingli angararrala? Kala athumli iwui pāngli mahorsangmirakhala?” da ngasana, kala Prohona hānga, “Kaulu, kaja Philistinenaobingli mashoila ina nawui pāngli horsangmira.”

1 WUNGNAOBING 20:13

Kala yanglu, Israelwui awunga Ahabwui ngalemli marān akhana rāhānga, “Prohona hānga, ‘Nana mi sorngasaida khalei saikora hi theihairala? Yanglu, aja ina athumli nawui pāngli horsangmira, chieina I Prohona kaji nana theikhuira.’”

1 WUNGNAOBING 20:28

Varewui mi akhana Israelwui awungali rāhānga, “Prohona hithāda hānga; ‘Khikhalajila Syrianaobingna hānga, “Proho hiya kaphungwui varena, tampākwui vare maningmana.” Chiwui vang sorkhangasai mi hi ina nawui pāngli horsangmida I Prohona kaji nana theikhuira.’”

2 WUNGNAOBING 3:18

Hiya Prohowui vang kapaiana; Moabwui mibingla nathumwui pāngli horsangmira,

ISAIAH 41:13

Khikhalajila nawui Vare, ina nawui yāpang singmida lei; “Mangacheelu, ina ngachonmira.” da kahānga chi ina.

MISHĀN 14:9

Proholi mangakaishilaklu; kala ngalei chiwui mili mangacheelu, kaja athum ithumwui hanyarna; athumli kanmi khavai maleimana, kala Prohona ithumli ngasoda lei; athumli mangacheealu.”

MISHĀN 32:4

Prohona Israel yarui ashangva̱wui mangāli shaothat kahai ngaleibing hi sha̱kei haikhavai phālakra; kaja narao ithumwui sha̱kei kachungkha lei.

KHALATLUI 2:30

Kha Heshbonwui awunga Sihonna ithumli awui lam makān ngasakthuwa, kaja Proho nathumwui Varena aja khami thada nathumwui pāngli horsangmi khavai awui wuklung mararmihaowa.

KHALATLUI 20:3

‘Nganālu, O Israel, aja nathumna yangkashebingli ngarar khavai rāhaira; nathumwui ning mashimānhaialu, ngacheeda makathiralu lah athumli yanglaga khangachee-khangachāla maleialu;

KHALATLUI 3:1

“Chiwui thili ithumna ngareikhuida Bashanvāk vai, kala awunga Ogna awui mi saikora thānlaga ngarar khavai Edre-ili rāngaroka.

KHALATLUI 3:11

(Kaja Rephaimbingwui eina taikashok Bashanwui awunga Ogmang leisai; yanglu, awui pet mari eina sāda maripet chiwui asān khuining chiko, kala aret khuining matina, aruila Amonbingwui Rabbah keinungli lei).

KHALATLUI 31:6

Pingmeida malung zangmeilu, athumli mangacheealu lah ningla machipālu, kaja Proho nathumwui Varena nathumli ngasomida lei; ana nathumli masākhami maleimara lah horkahaila masālakmara.”

KHALATLUI 7:17

“Nathumwui ningli, ‘Yurbing hina ili hakmeida phaningda hāngakha, kathāda ina athumli kashamshokpairakhala?’

KHALATLUI 7:18

nathum athumli mangacheelu, kha Pharaohli kala Egyptnaobingli Prohonathumwui Varena kathāda sākhala kaji phaningunglu,

KHALATLUI 7:21

Athumli ngachee khavai maleimana; kaja nathumli ngasomida khalei Proho nathumwui Vare chiya sāshap-vāshapa kala makahaiya Varena.

KHALATLUI 7:24

Kala ana athumwui awungabingla nathumwui pāngli horsangmida okathuli athumwui ming shimānchao ngasakra; kala nathumna athumli mashimitchaoranglakha eina tangda khipākha nathumli mangasungrarmara.

JOSHUA 10:25

Kala Joshuana athumli hānga, “Mangacheelu, lah ning masuitālu; pingmeida malung zangmeilu, kaja nathumna khangarar nathumwui yangkashebing saikorali Prohona hithāda samimi jira.”

JOSHUA 10:8

Kala Prohona Joshuali hānga, “Athumli mangacheelu, kaja athumli ina napāngli horsangmihaira; athum mi khipānakha nali mangasungrarmara.”

JOSHUA 8:7

chitharan nathumna rimkasāwui eina shokta keinung chi zangkhuira; kaja Proho nathumwui Varena keinung chi nathumwui pāngli sangmira.

WUNGVA̱-WUNGVĀ 11:30

Kala Jepthana Proholi khangashit akha sāda hānga, “Ammonnaobingli nana iwui pāngli horsangmiakha,

1 SAMUEL 23:4

Chieina Davidna Proholi ngahānlui. Kala Prohona ali ngahānkai, “Ngakarthuilu, Keilahli tāda Philistinenaobingli angararlu, kaja ina Philistinenaobingli nawui pāngli horsangmira.”