MISHĀN 21:29 - Kathara Bible (BSI)

²⁹ Nali ringkashi ngasaranu, O Moab! Na kuphaira, O Chemoshwui mibing! Anaomayarabingli yāmkazata ngasā ngasakhaira, naongalāva̱ ngarā tuknarhaira, Amorwui awunga Sihonwui pāngli.

MISHĀN 21:29 Iomraidhean Croise

1 WUNGNAOBING 11:33

khikhalajila ana ili horhaida, Sidonwui varebing Ashtorethli, Moabwui vare Chemoshli, kala Ammonwui kameo Milcomli khorumhaowa, kala iwui kahāng manganāmana; kala avāva̱ Davidna kasā thāda iwui shiyan-chikan kala ain mamayonla, iwui mikyanli khamashung chi masāmana kala iwui ningkhami mamayonmana.

1 WUNGNAOBING 11:7

Kala Solomonna Jerusalemwui zingshoshong khalei kaphungtungli Moabwui ningkakachaiya Chemoshli khorum khavai shim sakai.

2 WUNGNAOBING 23:13

Chiwui thili Jerusalemwui zingshoshong, sāmakhao kahai kaphungwui azingshong khalei kajujui apambing saikora Israel awunga Solomonna sākakā, Sidon mibingwui ningkakachaiya Ashtoreth, Moab mibingwui ningkakachaiya Chemosh, Ammon mibingwui Milcom, chi Josiahna sākhamāngmiserhaowa.

ISAIAH 15:5

Iningli Moabwui vang chapa; awui yāmkazatbing Zoarli kala Eglath-shelishiyahli yāmvai. Kaja Luhithwui ashanli athumna chapmamānda kai; Horonaimwui shongfali athumna sākashimānwui akhon akha vaowa.

ISAIAH 16:2

Athip sākathānmi kahai yongkazat vānao thāda, Moabwui naongalava̱ ngarā Arnonwui kongpheili ngapha̱ra.

JEREMIAH 48:13

Chieina Israelna shitkasanga Bethelwui vang kakhayak samkaphang thāda Moabla Chemoshwui vang kakhayak samphangra.

JEREMIAH 48:45

Heshbonwui khaya̱li yāmkazatabing china mazat-thukla nganingkhui; kaja Heshbonwui eina mei akha shokhaira, Shihon shimkhurwui eina meiwon shoka; khonkazārwui naongarāwui wungkuihon, Moabwui khavei sākhaimihaira.

JEREMIAH 48:46

O Moab, nali kakhanang ngasāranu! Chemoshwui mibing kānhaira; kaja, naomayara ngarāli tukkhuihaira, naongalāva̱ ngarā tukthuihaira.

JEREMIAH 48:7

“Kaja, nana nawui khangazipa raipanli kala lanli shitkasangwui vang nalila khuithuihaora; Chemoshla awui pāngmonbing, wungnaobingli ngasoda raikathāli vāhaora,

MISHĀN 24:17

Ina ali thei, kha arui maningmana; Ina ali yanga, kha manganaimana: Jacobwui eina sirā akha shokra, Israelwui eina khānthing akha kharshokra; china Moabwui khavei ngaphitkhaira, kala Shethwui naomayarabingli sākhayāngra.

WUNGVA̱-WUNGVĀ 11:24

Nathumwui vare Chemoshna nathumli khayar shimlui chi nathum maningchāngmala? Kala ithumwui Vare Prohona ithumli ngapaikhuikhami chi ithumwui sāshon sāthaira.