MISHĀN 21:2 - Kathara Bible (BSI)

² Chieina Israelna Prohowui mangāli khangashit sāda hānga, “Nana mibing hi ithumwui pāngli mira jiakha, ithumna athumwui keinung saikora sāshimānmihaora.”

MISHĀN 21:2 Iomraidhean Croise

HAOKAPHOK 28:20

Chieina Jacobna khangashit akha sāda hānga, “Varena ili ngasomida iwui kazazatpamli hithada thānmiakha, kala zākhavai kashakazā kala ngavai khavai kashankachon mida,

LAA 116:18

Awui miyur saikorawui mangāli ina khangashit chi Proholi mira.

LAA 132:2

ana kathāda Proholi ngashithai, Jacobwui Pangshapa chili,

1 CORINTHNAO 16:22

Proholi maleikashe mi khonkashi ngasāranu! Ithumwui Proho rāmilu!

KHALATLUI 13:15

keinung chili khalei mi hupta, chili khalei sha̱keibingla nathumna raighai eina sakazamserphalungra.

KHALATLUI 13:16

Nathumna chiwui thongthāngbing saikora kayāng khamaseli kazipkhuida, kala chiwui ot saikora Proho nathumwui Vareli rikkatā kachigat sāda keinung chi mei sa̱talu, khanao eina tangda chuita kahai chi leichingda chi naoda masākāluimara.

KHALATLUI 20:16

Kha nathumwui shimlui sāda Proho nathumwui Varena khami, miyurbingwui keinung saikora chili khalei mila, sha̱keila akha eina tangda maring ngasakpaimara,

KHALATLUI 7:2

Proho nathumwui Varena athumli nathumwui pāngli horsangmida, athumli yuikahai tharan athumli shaothatserphalungra; nathumna athumli tuingashit sākhavaila maleimana kala athumli lumashan khavai apongla maleimana.

JOSHUA 6:17

Keinung kala chiwui alungli ot khalei saikora sakazam khavaiwui vang Prohowui mingli chigathaora; khayorva̱ Rahab eina awui shimli leikasā mibingmang khākmara, kaja ithumna kachiho mi khanili ana thumiya.

JOSHUA 6:26

Chitharan Joshuana Jericholi khonshida hānga, “Jericho ungsakākhaluiya a chi Prohowui khonkashi ngasāranu. Shimphunga sāphokthang awui naochizai shimānra, ngavei sakāthang awui naopaisho shimānra.”

WUNGVA̱-WUNGVĀ 11:30

Kala Jepthana Proholi khangashit akha sāda hānga, “Ammonnaobingli nana iwui pāngli horsangmiakha,

1 SAMUEL 1:11

Kala ana khangashit akha sāda hānga, “O saikorawui Proho, kalikhada narao sha̱nao iwui kakhanang hi theimida, kala ili phaningmida, narao ili mamalailakla mayarnao akha misi kaja, awui mirin peida ina Prohowui pāngli mira; kala akuili kuisighai maparmara.”