MISHĀN 21:16 - Kathara Bible (BSI)

¹⁶ Kala chiwui eina athumna Beerli zatvāmamanuwa; hi Prohona Mosesli, “Mibingli kazipkhuilu, ina athumli tara̱ mira.” da kahāng ra̱khongpam china:

MISHĀN 21:16 Iomraidhean Croise

HAOKAPHOK 21:19

Chiwui thili Varena awui mik rakngasaka, kala ana ra̱khong akha thei; ana sāhuikhong chili tara̱ achipemkhuida naoli shimana.

SHONGZĀ 17:6

Yanglu, Horeb lunggui pamli ina nawui mangāli nganingra; lunghār chili ngaphitlu, chiwui eina mangkhavai tara̱ shokrāsāra.” Israel ararbingwui mangāli Mosesna chithāda sai.

ISAIAH 12:3

Khamathān eina ngasoda nana huikhami ra̱khongwui eina tara̱ sokkhuira.”

ISAIAH 15:8

Kaja Moabwui lam kuimareida kachapkhon akha ngayaovāhaira, chapkhangachā chi Eglaim vāshunga, chapkhangachā chi Beer-elim vāshunga.

ISAIAH 43:20

Ramsābing, ramfa kala ostrichbingna ili khayā shira, kaja ina lamhāngli tara̱ mi, siwukli kong longngasaka; Iwui kapangkhui khahai mibingli tara̱ mimang khavai,

ISAIAH 49:10

Athum kathaila mathaimara ra̱kachangla mara̱changmara. Masi kala zimikwui kasā chinala athumli masāza̱mara, kaja athumli lukhamashana china thānmira kala ura̱pamli athumli ngakuimira.

MISHĀN 20:8

“Khāmshui chi khuilu, kala nachinā Aaron nanina yarui ashangva̱ kazipkhuilu, kala athumwui miktāli tara̱ shokkhavai lunghār chili hānglu; hithāda nanina yarui ashangva̱wui mangkhavai tara̱ khuishokmira, chithāda sāda yarui kala athumwui sha̱keila tara̱ khamang samphangra.”

MISHĀN 33:46

Kala athumna Dibon-gadwui eina zatphokta Almon-diblathaimli rāmrah vasāpama.

JOHN 4:10

Jishuna ali ngahānkai, “Nana Varewui lemmet chi theisāsi kaja kala ‘Ili tara̱ khamimanglu’ da kapopa hi khipākhala da theisi kaja nana ali poda ana nali kharinga tara̱ chi mihaira̱ra.”

JOHN 4:14

kha ina miki kaji tara̱ chi khamanga a chi mara̱changluimara. Ina miki kaji tara̱ chiva awuili katang makhavai kharing wurkashoka ura ngasāhaora.”

PHONGKHAMI 21:6

kala ili hānga, “Kuphaira! I Alpha eina Omegana kaja haokaphok eina katangana, ra̱kachanga chili kharinga uraokwui eina ina khalem eina mimangra.

PHONGKHAMI 22:1

Chiwui thili kharingwui tara̱ khalonga kong akha ili chithei, mathingrikhai, Varewui wungpamkhong kala Yaonaowui eina longshoka,

PHONGKHAMI 22:17

Manglā kala Khām kahaiva̱ china “Rālu” da hānga. Nganāda khalei mi kachiva̱nala “Rālu” da hāngranu. Ra̱kachanga mi china rāranu, ningkachānga a china kharingwui tara̱ chi aman mamila rāmangkhuiranu.

WUNGVA̱-WUNGVĀ 9:21

Kala chi hāngphunglaga Jothamna Beerli yāmvāhaowa, kala achinā Abimelechli khangacheewui vang chili apamchanghaowa.