MISHĀN 20:5 - Kathara Bible (BSI)

⁵ Kala khiwui vang ithumli Egyptwui eina thānshoklaga makaphā apam hili thānkharākhala? Hi theishirai, khaorāthei, lah drakhāthei, lah kabothei khamathā apam maningmana; kala mangkhavai tara̱ maleimana.”

MISHĀN 20:5 Iomraidhean Croise

NEHEMIAH 9:21

Kum hangmati nana athumli nganaomi, kala athumna khikhanida mavatmana; athumwui kashankachonla makākmana, pheila khawor mavaimana.”

JEREMIAH 2:2

“Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

JEREMIAH 2:6

Athumna, ‘Egypt ngaleiwui eina khuikashoka, lamhāngli thankazata, siwukwui lamli, khorchopli, kazing kakāng lamli, kala tangmangting kahaipamli, mi makakān khipākha makasompamli thankazatapa Proho chi kali leilikhala?’ da maphāmana.

EZEKIEL 20:36

Egypt ngaleili navā ngarāli ina bichar kasā thāda nathumlila ina bichar sāra,” da Proho VAREna hānga.

MISHĀN 16:14

Chili lāngda nana ithumli seina̱ eina khuira̱ khalonga ngaleili mathānzangmana, lah lui kala drakhā yāmguibingla mamirarmana. Mibing hiwui mik latshokmihaoga kajila? Ini marāmara.”

MISHĀN 20:24

“Aaronli awui awo-ayiwuili khuiunghaora, kaja Israelwui mibingli ina ngashit kahai ngalei chili a mazangmara, khikhalajila Meribahwui tara̱pamli nanina iwui kakaso chi masāla ili ngakaishihaowa.

MISHĀN 27:14

khikhalajila nana Zin lamhāngli tara̱wui vang mibingna pa̱ngapāthang, mibingwui miktāli iming mathar ngasakla nana iwui tuili ngakaishihaowa.” (Hi Zin lamhāngli khalei Kadeshli Meribahwui tara̱lina).

KHALATLUI 8:15

kahaka kala khangachee khangachā lamhāngli nathumli thānkhame, sākashe phara̱-pharā kala seithatpam, tara̱ makhalei ngalei kathengpamli meizailung eina tara̱ khuikhame,