MISHĀN 19:7 - Kathara Bible (BSI)

⁷ Chiwui thili pāngmon china awui kashan-kachonla ngasa̱da phasā tara̱ eina ra̱vaira, kala chiwui thili ana rāmrahli ungra; kala zimik matunranglakha eina tangda pāngmon chi matharmara.

MISHĀN 19:7 Iomraidhean Croise

PĀNGMONSHI 11:24

“Kala hibingna nathumli mathar ngasakmana; kachikathā akhana kathingunli saza̱akha ngazin eina tangda ngarangra.

PĀNGMONSHI 11:25

Kala kachikathāna kathingun khuiphungsākha awui kashankachon ngasa̱haiki kajina, kala ngazin eina tangda ngarangra.

PĀNGMONSHI 11:27

Kala aphei mati kakā sāyurbing saikorawui ngachaili pheipāng amayā eina kazata chi nathumwui vang matharmana, athumwui kathingun sakaza̱pa chi ngazin eina tangda ngarangra.

PĀNGMONSHI 11:28

Kala kathingun kaphungapa chi awui kashankachon chi ngasa̱phalungra kala ngazin eina tangda ngarangra; chibing nathumwui vang matharmana.

PĀNGMONSHI 11:31

Ngaleili ngawokazat saikorawui ngachaili nathumwui vang hibing hi matharmana, thihaisāda sakaza̱pa chi matharmana, kala ngazin eina tangda ngarangra.

PĀNGMONSHI 11:32

Kala ot akhawuitungli hibingwui thikahaiya asā akhana tātungrorakha ot chi matharmana; thingwui otranu, kashankachonranu, ahuiranu, chonsakhaoranu, kala khongphei khongphāngranu apong ngatateida shikachin ot chi tara̱ eina pheophalungra kala ngazin eina tangda ngarangra, chiwui thili tharhaora.

PĀNGMONSHI 11:39

“Kala nathumna shaikapai sāyur akha thihaida kathingunli sakaza̱pa chi ngazin eina tangda ngarangki kajina,

PĀNGMONSHI 11:40

kala kathisā kashaipa chi awui kashankachon ngasa̱ki kajina, kala ngazin eina tangda ngarangra, kala kathingun kaphunga a chila kashankachon ngasa̱ra, kala ngazin eina tangda ngarangra.

PĀNGMONSHI 14:46

Chili lāngda shim shunghaida khalei chili akazanga mi chi ngazin eina tangda ngarangra.

PĀNGMONSHI 15:5

Kala awui petli sakaza̱ mi china kashankachon ngasa̱haida ra̱khavaila ra̱vaira, kala ngazin eina tangda ngarangra.

PĀNGMONSHI 22:6

makathar yur saikora sakaza̱ mi chi matharmara, kala ngazin eina tangda ngarangra, kala mara̱vairanglakha eina tangda kathara ot mashaipaimara.

MISHĀN 19:10

Seilānao riktāda chiwui hotla kazipkakhuipa chila awui kashankachon ngasa̱ra kala ngazin eina tangda ala matharmara. Hi Israelnaobing kala kha̱mi athumli ngasokazatabingwui vang katang makhavai ningkhamina.

MISHĀN 19:19

Kala kathara mi china makatharawuitungli kakathumathang kala kashinethang kasirrorra; hithāda a kashinethang tharhaora, kala ana tara̱ eina ra̱vailaga kashan-kachonla ngasa̱ra kala zingyinlam a tharhaora.

MISHĀN 19:21

Kala hi athumwui vang katang makhavai shiyan-chikan sāchingra. Makathar pheokhavai tara̱ kasirkharora a china awui kashankachon ngasa̱ra; kala tara̱ sakaza̱pa chi ngazin eina tangda matharmara.

MISHĀN 19:22

Kala makathara mina sakaza̱za̱ chi matharmara; kala chi sākaza̱a mi chi ngazin eina tangda matharmara.”

MISHĀN 19:8

Seilānao riktakhame china awui kashankachon ngasa̱da ra̱vaira, kala ngazin eina tangda a matharmara.

HEBREWNAO 13:11

Jehudiwui pāngmon kharei china moreiwui vang pha̱kaphayā sāda ashee chi chigat khavai Tharmathengmeikap kaje Apamli khuizanga. Kha asāva so ayarli riktai.