MISHĀN 19:3 - Kathara Bible (BSI)

³ Kala nathumna chi pāngmon Eleazarli mira, kala seilā chi rāmrah ayarli khuishokta awui mangāli sāthatra.

MISHĀN 19:3 Iomraidhean Croise

PĀNGMONSHI 16:27

Kala suihamchigatwui vang mukkā, me, chiwui ashee khuilaga katharapamli pheomi khavai khuirā kahai chi rāmrahwui ayarli khuishokra; kala ahuila, paila mei eina riktāhaora.

PĀNGMONSHI 24:14

“Khonkashi mi chili rāmrahlungwui eina ayarli khuishoklu, kala kashā mi saikorana akuili pāng rāparranu, kala mi katongana ngalung eina ali horthathaolu.

PĀNGMONSHI 4:11

Kha mukkāwui ahui kala chiwui asā, chiwui akui eina ngasoda, chiwui akhomareng, akharibing, kala chiwui pai,

PĀNGMONSHI 4:12

mukkā angun katonga rāmrah ayar katharpam akhali khuishokta hotla horkhavaipamli thingwui mei eina riktāra.

PĀNGMONSHI 4:21

Kala ana seingun chi rāmrahwui ayarli khuishokra, kala ana mukkā khare rikkatā tākam eina riktāra, hi yarui ashangva̱wui vang suihamchigat kasāna.

MISHĀN 15:36

Chieina yarui ashangva̱na ali rāmrah ayarli khuishokta Prohona Mosesli kakaso athishurda ali ngalung eina horthathaowa.

MISHĀN 19:9

Kala kathara mi akhana seilānao riktā kahaiwui hotla chi kazipkhuilaga rāmrahwui ayarli kathar apam akhali haira; kala chi Israelnaobingwui vang kaziphailaga tara̱li sanghaida hotlāwui tara̱ china morei pheokhavaiwui vangna.

MISHĀN 3:4

Kha Sinai lamhāngli Prohowui mangāli makathar mei eina kachigatwui vang Prohona mamayāmada Nadab eina Abihu thihaowa; kala aniwui naongarāla maleimana. Chiwui vang Eleazar eina Ithamarna avāva̱ Aaron ringlakha eina tangda anina pāngmon sāda otram ngatha̱ya.

MISHĀN 5:2

“Israelwui mibingli kasolu kaja, phārrei kakazā, kala zaizai khangaya̱ mi kachiva̱, kala kathingun saza̱da sāmakhao kahai mi kachiva̱ rāmrahwui eina ayarli khuishokhaolu.