MISHĀN 19:22 - Kathara Bible (BSI)

²² Kala makathara mina sakaza̱za̱ chi matharmara; kala chi sākaza̱a mi chi ngazin eina tangda matharmara.”

MISHĀN 19:22 Iomraidhean Croise

PĀNGMONSHI 15:1

Prohona Moses eina Aaronli hānga,

PĀNGMONSHI 15:10

Kala awui azingli khalei ot kachiva̱li sakaza̱ mipa chi ngazin eina tangda ngarangra, kala chikathā ot phungkazat mi chi awui kashankachon ngasa̱ra, kala tara̱ eina ra̱vaira, kala ngazin eina tangda ngarangra.

PĀNGMONSHI 15:11

Zaizai khangaya̱ mina pāng mamazikla khangatei akhali saza̱akha chipana awui kashankachon ngasa̱ra, tara̱ eina ra̱vaira, kala ngazin eina tangda ngarangra.

PĀNGMONSHI 15:21

Kala awui petli sākaza̱ mi chi awui kashankachon ngasa̱ra, kala tara̱li ra̱vaida ngazin eina tangda ngarangra.

PĀNGMONSHI 15:22

kala sha̱nao china pamkahai kachiva̱li sākaza̱ mi chi awui kashankachon ngasa̱ra, kala tara̱ eina ra̱vaida ngazin eina tangda ngarangra;

PĀNGMONSHI 15:23

petliranu, khikhaliranu, sha̱nao china pamkahaibingli sakaza̱ saikora makhao kahaiwui vang ngazin eina tangda ngarangra.

PĀNGMONSHI 15:27

Kala otbing chili sakaza̱ mi kachiva̱ matharmara, kala awui kashankachon ngasa̱ra, kala ra̱vaida ngazin eina tangda ngarangra.

PĀNGMONSHI 15:5

Kala awui petli sakaza̱ mi china kashankachon ngasa̱haida ra̱khavaila ra̱vaira, kala ngazin eina tangda ngarangra.

PĀNGMONSHI 15:6

Kala zaizai khangaya̱ mina pamkahai kachiva̱ chili kapama mibing china awui kashankachon ngasa̱ra, kala tara̱ eina ra̱vaira, kala ngazin eina tangda ngarangra.

PĀNGMONSHI 15:7

Kala khangaya̱pali sākaza̱ mi china kachon ngasa̱haida ra̱vaira kala ngazin eina tangda ngarangra.

PĀNGMONSHI 15:8

Kala zaizai khangaya̱pa china kathara mili mashororhaiakha awui kashankachon ngasa̱ra kala tara̱ eina ra̱vaira, kala ngazin eina tangda ngarangra.

PĀNGMONSHI 22:5

ngawokazat ot saza̱da sāmakhao kahai, lah mi khangatei akhawui makathar mankakhui,

PĀNGMONSHI 22:6

makathar yur saikora sakaza̱ mi chi matharmara, kala ngazin eina tangda ngarangra, kala mara̱vairanglakha eina tangda kathara ot mashaipaimara.

PĀNGMONSHI 5:2

Lha kachikathā akhana makathara ot, makathara ramsāwui angunranu, sha̱keiwui angunranu, ngawokazat yurwui angunranu saza̱hailaga, chi ana thumhaiakha, a matharthura, kala a yonhaira.

PĀNGMONSHI 5:3

Lha ali makhao ngasakkapai mikumowui makathara otli saza̱hailaga chi ana thumhaiakha, ana chi kathei tharan a khayona ngasāra.

PĀNGMONSHI 7:19

Makathara otli saza̱ kahai asā chi mashaipaimana, chi mei eina riktāra. Kha katai asābing chiya katharbingmāngna shaipai.

PĀNGMONSHI 7:21

Kala kachikathā akhana makathara ot miwui makathar nilala, makathar sāyur nilala, kala ningkakachaiya makathara ot nilala akhali saza̱laga Proho wui vang ningyatshar kachigat asā chi shaiakha, mipa chili awui mibingwui eina katathaora.

HAGGAI 2:13

Chieina Haggaina hānga, “Kathingunli sāza̱haida makhao kahai akhana hibingwui ngachai akhali sāza̱haiakha chi makathar onhaorala?” Pāngmonbing china ngahānkai, “Chi makathar onhaowa.”

MISHĀN 19:7

Chiwui thili pāngmon china awui kashan-kachonla ngasa̱da phasā tara̱ eina ra̱vaira, kala chiwui thili ana rāmrahli ungra; kala zimik matunranglakha eina tangda pāngmon chi matharmara.