MISHĀN 19:2 - Kathara Bible (BSI)

² Prohona kakaso ainwui shiyan-chikan chi hina: Israelwui mibingli hānglu, achuk kapei khānkhanang makhaleiya kala seiot maphunglakrang kaji kahunga seila akha khuirā ngasaklu.

MISHĀN 19:2 Iomraidhean Croise

SHONGZĀ 12:5

Yaonao nilala, me nilala, achuk kapeiya kumkhawui avānao khuira;

ISAIAH 1:18

“Ralu, ithum bhab tāda ngazekrumkhuisa, da Prohona hānga: nathumwui morei hungpinghailala, horam thāda charshihaora; ashee thāda hungshihailala, sāhāh kachar thāhaora.

CHAPCHĀT 1:14

“Iwui khayonkhamāng hupta kaziplaga iwui kashaili khalapshānmi, apāng eina saikora chi khalapshānmi; chibing chi ikahungli parmihai; ana iwui yāng shimān ngasaka; ina mangasungkharar athumwui pāngli Prohona ili horsangmihaowa.”

PĀNGMONSHI 1:10

Kalikha awui kachigat chi rikkatā kachigatwui vang yaoshangwui yao, lah meakha, achuk kapei avā chigatranu;

PĀNGMONSHI 1:3

Awui rikkatā kachigat chi seishangwui eina ngasāsaakha, achuk kapei avā chigatranu, kala Prohona khuisangmi khavaiwui vang kazip khavai kachonshimwui khāmongli khuirāranu,

PĀNGMONSHI 14:6

Kala kharing vānaoli ngasoda, cedarthing, hungshi kahai kazaira̱ kala maharnā chi, longkazat tara̱tungli sāthat kahai vānao chiwui asheeli chumkhuira;

MISHĀN 19:1

Chitharan Prohona Moses eina Aaronli hānga,

MISHĀN 19:6

Kala pāngmon china cedarthing, maharnā kala hungshi kahai kazaira̱ khuida seilānao riktāda khalei chiwui alungli horsangra.

MISHĀN 31:21

Kala Pāngmon Eleazarna raili khavā mibingli hānga: “Prohona Mosesli kaso kahai ningkhamiwui ain chi hina:

LUKE 1:35

Kala kazingrao china ali hānga, “Manglā Katharana nawuitungli tāra, kala juikhamataiawui pangshap china nali rakhayinmira; chiwui vang eina pharāki kaje nao chili kathara Varewui Naomayara hora.

KHALATLUI 21:3

kala nganaimeikap kaje keinung chiwui kathānabingna seilānao lāngkon masinglakrang kaji akha khuira.

HEBREWNAO 7:26

Chiwui vang eina ithumwui ningkachāng ungshung khavai pāngmon kharei chi Jishuna. A Katharana; ali khayon kala morei maleimana; morei kaphungbingwui eina ngateimihaida kazingramli chuimeida khuikāhaira.

HEBREWNAO 9:10

khiwui vangkhala kaja hiya ra̱shakshirei kala sākhamatharwui sharphahormānga. Varewui khangarān kadhar marāranglakha sāsā khavai akorwui ainzāmanga. Khamayonmāng kasāwui vang Varewui khangarān kadhara marāranglakha shichinkasā akorwui ainmānga.

1 PETER 1:19

kha chukhara̱ makhalei achukkapei yaonao kathā Khristawui aman kasaka ashee einana.

1 PETER 2:22

A morei masāmana kala kakapik tui khamatui khipānakha mashāmana.

PHONGKHAMI 1:5

kala ningtongda shākhi sākhame Jishu Khrista, kathiwui eina pharākhare kala okathuili awungabingli khamungawui eina lukhamashan kala chingri kahai ngasāranu. Ana ithumli leishi kala awui thikhamiwui pha̱kaphayā eina ana ithumli moreiwui eina ningkhān ngasakhaira.

1 SAMUEL 6:7

Seigari kadhar akha sākhuilu, kala chi seiot maphunglakrang kaje seinao khangathān simukva̱ khanili shimen ngasaklu; kha nao khani chiya mashur ngasakalu.