MISHĀN 18:7 - Kathara Bible (BSI)

⁷ Kala na eina nanaomayarabingna nali ngasoda nawui pāngmon ot kala mairārwui alungli khalei hanphutwui ot saikora yangsangmira; kala nana otram ngatha̱ra. Ina nawui pāngmonpam lemmet eina khamina, kala chili rākhanganai mi kachiva̱li thingasakra.”

MISHĀN 18:7 Iomraidhean Croise

LAA 115:10

O Aaronwui shimkhur, nathumwui shitkasang Proholi hailu! Ana athumwui ngachonkhame kala chāngveina.

SHONGZĀ 28:1

“Chiwui thili nachinā Aaron, kala anaomayarabing ali ngasoda Israelnaobingwui eina pāngmon sāda ili sheba sākhavai — Aaron eina Aaronwui naomayarabing, Nadab eina Abihu, kala Eleazer eina Ithamar nawui ngalemli khuirālu.

SHONGZĀ 29:9

kala shānneira̱ neimida kuihonla ngahonmilu; chieina pāngmonwui ot hi athumwui shiyan ngasāchingra. Chithāda sāda nana Aaron eina anaomayarabingli tharchisinra.”

EZEKIEL 44:15

“Kha Levi pāngmonwui ngachaili Zadokshi shimkhur, Israelnaobing ma̱thui kahai atamli iwui kathara shim khamayon athumle iwui ngalemli zangda otram ngatha̱ ngasakra; athumna ili otram ngatha̱mida athao kala ashee pha̱phayāra, da Proho VAREna hānga.

EZEKIEL 44:16

Athumna iwui kathara shimli zangra, kala athumna iwui tabletungli rānganaida ili otram ngatha̱ra kala iwui ot sāra.

EZEKIEL 44:8

Kala iwui kathara otla mamayonmana; kha yur khangateiwui mili iwui kathara shim mayon ngasaka.

PĀNGMONSHI 16:2

“Nachinā Aaronli hānglu, kathara apam mairārlungli kānzangda, ningkhami okowui atungli khalei lukhamashan pamkhong chiwui mangāli marānganaiching ngasaklu, a thipaishina; kaja ina muiyālungli lukhamashan pamkhong chiwuitungli rāra.

PĀNGMONSHI 7:35

Rikkatā Proholi kachigatwui eina hi Aaron kala anaomayarabingli, Prohowui otram ngatha̱ khavai pāngmon sāda hākhuithang eina thuida tharchigatta yarkahaina.

MISHĀN 1:51

Zatusa jiakha ashina pheikhuilaga phungzatra; kala vākhangasāmpamli ashina vākhaningkāra. Kala kachikathā ayarwui mina rānganaiakha chipāli shaothatra.

MISHĀN 16:40

hina Israelnaobingwui phaningung khavai sai, chiwui vang pāngmon makhaninga kala Aaronwui ara̱-azā makhaninga china Prohowui mangāli nganamkaphā mariktāpaimana, riktaakha Corah kala awui mibingli kasā thāda shokngasakra kaji theingasaka — hi Prohona Moseswui khamor eina Eleazarli theingasaka.

MISHĀN 18:20

Kala Prohona Aaronli hānga, “Athumwui ngalei chili nawui shimlui mavaimara; khangatei yarla maleimara; Israel mibingwuilungli I hi nawui yarna kala shimluina.”

MISHĀN 18:3

Athumna nali kala kachonshimli otram khangatha̱bing saikorali ngachonmira; kha athum katharapamwui khorkhongbing, lah hanphutli manganaipaimara, nala athumla thipaishina.

MISHĀN 3:10

Kala nana Aaron kala naomayarabingli kapangsanglu kala athumna athumwui pāngmonpam chi yangranu, kha mi khangatei rāzangakha ali shaothatra.”

MISHĀN 3:38

Kala tabernaclewui mangā zingshoshongwui rāmrahli khaleibing, kazip khavai kachonshimwui mangāli Moses eina Aaron kala naomayarabingna, Israelnaobingwui vang athumna katharapamli otram ngatha̱mira; chili rākhanganai mi chi shaothatra.

MATTHEW 10:8

Kakazābingli raimilu, kathebingli ringngasaklu, phārrei kakazābingli tharmilu, kameobing kashamshokmilu. Nathumna aman mamila samkaphangna, chithada aman makhuila milu.

JOHN 3:27

Johnna ngahānkai, “Kazingramwui eina khami maningakha khipānakha khikha masamphangrarmana.

EPHESIANAO 3:8

Awui mibingwui ngachaili teomeikap kaje chilila I teomei, tha-ilala Khristawui mashānkharar kashāng chiwui paokaphā chi Gentileli hāshok khavai,

KHALATLUI 18:2

Achinā ngarāwui ngachaili athum shimlui maleimara; ana ngashit kahai athishurda, Prohohi athumwui shimluikatna.

HEBREWNAO 5:4

Khayākakā pāngmon kharei sākhavai khalatta makapangkhuimana. Aaronli hokakhui thada Varena hokakhui mi chili sākhangasakna.

JOSHUA 18:7

Levibingna nathumwui alungli shimlui masamphangmara, kaja Prohowui pāngmonpam hi athumwui shimluina; kala Gad kala Reuben kala Manassehwui shang tangkhaina Prohowui rao Mosesna mikahai athishurda zimikshoshong Jordan kānda shimlui samphanghaira.”

1 PETER 5:2

Nathumwui pāngli Varena horsangmi kahai yaobingli mathālak eina homlu, Varewui ningkachāng athishurda yangmilu, tandi thada masāla mathanthathup sālu, amanwui vang maningla sāngairereo ngatha̱milu.

1 PETER 5:3

Nathumli mikahai athumwuitungli akhavā masaalu; kha yaobingna sha̱khui khavai acham sāchitheilu.

1 SAMUEL 2:28

Kala Israel shang saikorawui eina pāngmon sākhavai, iwui mangāli ephod ngachālaga, iwui hanphutli nganamkaphā riktā khavai ina ali kapangkhui; kala Israelwui mibingna ili rikkatā kachigat saikora ina navāwui shimkhurli mi.