MISHĀN 18:6 - Kathara Bible (BSI)

⁶ Kala yanglu, ina nachinā Levishili Israel mibingwui eina phaishokhaira; athum hi nawui vang lemmetna, Proholi mikahaina; athumna kazip khavai kachonshimli otram ngatha̱ra.

MISHĀN 18:6 Iomraidhean Croise

HAOKAPHOK 6:17

Kaja yanglu, ina okathuili tara̱ phongshilongra, kazingramwui azingli khalei khak-kasuia yur saikora shimān ngasakra; okathuili khalei saikora thiserra.

HAOKAPHOK 9:9

“Yanglu, ina nathumli kala naoda rāki kaji ara̱-azāli,

SHONGZĀ 14:17

Kala ina Egyptnaobingwui wuklung mararmihaida athumna shurzangra, chitharan Pharaoh kala awui raimi katonga, awui siguigari, kala sigui katongbing saikorawuitungli iwui tekhamatei chitheira.

SHONGZĀ 31:6

Kala yanglu, ali ngasoda Dan shangwui Oholiab, Ahisamachwui naomayarali kapangkhuihaira; kala chili langda ina sākashapa mi kachungkhali sākathei mihaira; kaja ina nali kaso kahai thāda athumna sāra:

ISAIAH 48:15

I, I eina tangda ikhamor eina ali hokhui, ali ina khuiunga, kala ana awui otsakli reisangra.

ISAIAH 51:12

“Nathumli ringpha khangasaka chi ina; thikapai mibingli khangachee, kala khawo thāda sākhui kahai miwui naomayarabingli khangachee,

EZEKIEL 34:11

“Kaja Proho VAREna hānga: Yanglu, I khalattana iwui yaobingli aphākhuira.

EZEKIEL 34:20

“Chiwui vang eina Proho VAREna athumli hānga: Yanglu, I khalattana asā kaphā yao eina asā makaphā yaowui ngachaili bichar sāmira.

MISHĀN 3:12

“Yanglu, Israel mibingwui naopamwui pharākharebingwui mahut sāda ina Levibingli Israelwui mibing ngachaiwui eina phaishok kahaina.

MISHĀN 3:13

Athum iwui mi sāra kaja naochizai saikora iwuisera. Egypt ngaleili naochizaibing shaothatserhaithang, Israelwui naochizai, mila, sha̱keila katonga ina ikhalattawui vang tharchigat kahaina; athum iwui ngasāra: I Prohona.”

MISHĀN 3:45

“Israel mibingwui ngachaili naochizai saikorawui mahut sāda Levibing kala athumwui sha̱kei pharākharebingwui mahut sāda Levibingwui sha̱kei khuilu; kala Levi iwui ngasāra: I Proho china.

MISHĀN 3:6

“Leviwui shangnaoli rānganai ngasaklu kala pāngmon Aaronwuili haimilu, chieina athumna ali otram ngatha̱ngajira.

MISHĀN 3:9

Kala nana Levibing chi Aaron kala naomayarabingli milu; Israel mibingwui ngachai eina athum katonga awui vang mikahaina.