MISHĀN 18:5 - Kathara Bible (BSI)

⁵ Kala nana katharapamwui ot kala hanphutwui ot sāra, chieina Israel mibingwuitungli Varewui malungkhavāt maleimara.

MISHĀN 18:5 Iomraidhean Croise

1 THOTRINCHĀN 23:24

Athum hi Leviwui naomayarabing avāva̱ ngarāwui shimkhur, avāva̱ ngarā shimkhurwui wungva̱bingna athum avāva̱wui aming athishurda kum maga̱ rarkahai kala chiwui atung Prohowui shimli otram ngatha̱mi khavai chankahaibingna.

1 THOTRINCHĀN 23:32

Chithāda sāda Levinaobingna kazipshimla, kathara shimla athumna yangra; kala Aaronwui naomayarabing, achinā ngarāna Prohowui shimli khokharumwui ot kasālila ngachonmiki kajina.”

1 THOTRINCHĀN 24:5

Kathara shim kala Varivarawui otva̱bing, Eleazarwui einala Ithamarshiwui einala ngaraichāda kalā yanglaga sanga.

1 THOTRINCHĀN 9:19

Corewui nao Shallum, Ebiasaphwui nao, Corahwui nao, kala avāva̱ ngarā shimkhurwui theisābing, kaja Corahpashina otram khangatha̱wui ot sai, kala avāva̱ ngarāna Prohowui shim kala zangkhavai chi mayonkasa thāda athumna kachonshimwui khāmong zangkhavaila mayona.

1 THOTRINCHĀN 9:23

Chiwui vang eina athumna kala athumwui naomayarabingna Prohowui shimwui ngavei, chiya kachonshimwui khamayona sāngasaka.

1 THOTRINCHĀN 9:33

Levibingwui avāva̱ ngarā shimkhurbingwui kathānabing khangatei ot masālakla Khorumshim lungli laa kasābing chi hina, kaja ngashun ngayā athumna otpamli lei.

SHONGZĀ 27:21

Ningkhami oko haikhavai mairār kānshokta kazip khavai kachonshimwui alungli Aaron eina anaomayarabingna ngazin eina thuilaga ngathor eina tangda Prohowui mangāli mayonra. Hi Israelwui mibingna thot kachida mamalaila mayonkhavaiwui shiyanna.”

JEREMIAH 23:15

“Chiwui vang marānbingwui pongli saikorawui Prohona hithāda hānga: yanglu, athumli ina thingkhā akha chishaira, kala mangkhavai kathiri kasanga tara̱ mira; kaja Jerusalemwui marānbingwui eina makathara saikorali shivāthaira.”

EZEKIEL 44:15

“Kha Levi pāngmonwui ngachaili Zadokshi shimkhur, Israelnaobing ma̱thui kahai atamli iwui kathara shim khamayon athumle iwui ngalemli zangda otram ngatha̱ ngasakra; athumna ili otram ngatha̱mida athao kala ashee pha̱phayāra, da Proho VAREna hānga.

EZEKIEL 44:16

Athumna iwui kathara shimli zangra, kala athumna iwui tabletungli rānganaida ili otram ngatha̱ra kala iwui ot sāra.

PĀNGMONSHI 10:6

Kala Mosesna Aaron eina anaomayara khani Eleazar eina Ithamarli hānga, “Nathumwui kuisam makhalaalu; kachonla maserkhakalu, nathum thihaipaishina, mibingwuitungli malungkhavāt rāpaishina, kha Prohona chuingasakta chuikathat hiwui vang nachinā ngarā Israel shimkhur katongana sifaranu.

PĀNGMONSHI 24:3

Ngazin kachida Aaronna kazip khavai kachonshimwui ningkhami oko haikhavai mairār ayarli thaomei sharhaida Prohowui mangāli ngathor eina tangda thaomei kahor chi leishon ngasakra. Hi nathumwui thot-thot vāshungda mayonki kaji shiyan-chikanna.

ZECHARIAH 10:3

“Yaokahomabingli I malungvātshunhaira, kathānabingli ina tandi mira; kaja saikorawui Prohona awui yaonaobing, Judahwui shimkhurli saklāk eina yangmi, kala athumli maikhayā raiphungwui sigui kathā sāngasakra.

MISHĀN 1:50

Kha Levinaobingli ningkhami okowui tabernacle chiwui thongthāngbing kala chili khalei saikora chi yangkhavai kapangsanglu. Ashina tabernacle phungzatra kala chiwui ot saikora ashina yangpamra kala chiwui kuikhamareili ashi pamra.

MISHĀN 1:53

kha Levibingna ningkhami okowui tabernacle kuimareida pamda athumna mayonra, chithāda sāda mi khipānakha marānganairanu kala chieina Israel yarui ashangva̱wuitungli malungkhavāt maleimara.”

MISHĀN 16:46

Kala Mosesna Aaronli hānga, “Nawui thaokhong khuida hanphutwui eina mei shārkākhuilu, kala nganamkaphā thao sanglaga yarui ashangva̱wui alungli thāklāk eina khuivālu, kala athumwui vang pheomiranu; kaja Prohowui eina malungkhavāt chishothaida kazātkashi haophokhaira.”

MISHĀN 18:4

Athumna nali ngasoda, kala kazip khavai kachonshimwui otram saikorali ngatha̱ngachonra; kala khipākha nali marānganaipaimara.

MISHĀN 4:18

“Kohath shangwui shimkurbing Leviwui eina mashimān ngasaklu,

MISHĀN 8:19

Kala Levinaobingli Israel mibingwui eina Aaron eina awui naomayarabingli lemmet sāda ina mikahaina, kala athumna kazip khavai kachonshimli Israelnaobingwui vang otram ngatha̱ra, kala Israelnaobingwui vang pheomi khavai, chithāda sāda Israel mibingna katharapamli rākhanganai chitharan kalākashi mashokmara.”

MISHĀN 8:2

“Aaronli hānglu, nana thaomei chi shārkā kahai eina, thaomei shini china thaomeishong chiwui mangāli kahor mira.”

1 TIMOTHY 1:18

Inaomayara Timothy, nawui maramli hāngkahai marāntui chiwui athishurda ningkhami hi ina nali horsangkhamina. Nana mathāmeida ngararpai khavai tuibing chi raisāri sāda shichinlu.

1 TIMOTHY 3:15

Kalikha huihaisākha Varewui shimkhur kaja kharinga Varewui church, khamashungwui shimphunga kala pakra̱ chili mibingna kathada sāmameirakhala kaji nana theikhui khavai kagapina.

1 TIMOTHY 5:21

Mimai mayangalu, ngahānkhangai masāla, tuibing hi mayon khavai Varewui, Khrista Jishu kala kazingraobingwui miktāli ina kakasona.

1 TIMOTHY 6:20

Timothy, nali chisin kahai chi singtitlu. Khamakhao tui kala mangkhama̱wui ngaphat-ngayāt chili mi kaikhana “Aworna” da khamatui kala kakhui chili mazangalu.