MISHĀN 18:30 - Kathara Bible (BSI)

³⁰ Chiwui vang eina nana athumli hāngra, nathumna mathāmeikap kajiwui eina chigat kahai thili, khangatei chiya Levinaobingli lanpumwui eina samkaphang thāda mira, kala drakhāra̱ surkhavaipamwui eina samkaphang thāda mira;

MISHĀN 18:30 Iomraidhean Croise

HAOKAPHOK 43:11

Chieina athumwui avāva̱ Israelna hānga, “Chithaphalungra jiakha hithāda sālu; ngalei hiwui mathāmeikap kaji atheiyur; balm kateokha kala khuira̱ teomeikha, gum, myrrh, kala pistachio athā kala almond, nathumwui khaoli khuiphunglaga mipa chili lemmet sāda, khuitāmilu.

HAOKAPHOK 50:10

Jordan kānda Atadwui lanpumli vākashung tharān apam chili athumna wukkhananglāk eina achapngachai; kala Josephna avāva̱wui vang shinithang chapngachai.

SHONGZĀ 29:27

“Nana khayitchigatwui asuk chi tharchigatra, kala pāngmonwui yar khaishāng chi nana tharchigatlu, chila khayit kahaiya, kala chi tharchisinwui yaovāwui eina kachigatna, chi Aaron eina anaomayarabingwuina.

MALACHI 1:8

Nathumna pha̱kaphayāli khangapeo sāyur kachigat chi makaphā maningmala? Kala pheikatek, kakazā kachigat chi makaphā maningmala? Chi nathumwui lammungali miyanglu; ana nathumli penrala, kala lumashanmingairala?” da saikorawui Prohona hānga.

MISHĀN 18:29

Nathumli khami saikora chiwui ngachaiwui eina nana phameikap kaji kala tharmeikap kaji yar chi Proholi chigatra.’

MISHĀN 18:31

kala chi na eina nawui shimkhurna apam akhali shaipaira; kaja hi kazip khavai kachonshimli otram khangatha̱wui vāng nawui sāmanna.

MATTHEW 6:33

Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

KHALATLUI 6:5

Proho nathumwui Vareli nathumna wuklung, manglā, yāng tongtingda leishira.