MISHĀN 18:23 - Kathara Bible (BSI)

²³ Kha Levinaobingna kazip khavai kachonshimli otram ngatha̱da athumwui khayon chi athumna phungra; hi katang mavaila thot-thotwui shiyan-chikan ngasāra; kala Israel mibingwuilungli athumwui shimlui mavaimara.

MISHĀN 18:23 Iomraidhean Croise

SHONGZĀ 27:21

Ningkhami oko haikhavai mairār kānshokta kazip khavai kachonshimwui alungli Aaron eina anaomayarabingna ngazin eina thuilaga ngathor eina tangda Prohowui mangāli mayonra. Hi Israelwui mibingna thot kachida mamalaila mayonkhavaiwui shiyanna.”

EZEKIEL 44:10

“Kha Israelna ma̱thui kahai tharan iwui eina yāmhaida meoma̱li kaphaning Levinaobingna chiwui tandi phungra.

MISHĀN 18:1

Prohona Aaronli hānga, “Na kala nawui naomayarabing kala navāwui shimkhurbing nali ngasoda katharapamwui khayonkhamāng phungra; kala na eina nawui naomayarabingmāngna nali ngasoda pāngmonpamwui khayonkhamāng phungra.

MISHĀN 18:20

Kala Prohona Aaronli hānga, “Athumwui ngalei chili nawui shimlui mavaimara; khangatei yarla maleimara; Israel mibingwuilungli I hi nawui yarna kala shimluina.”

MISHĀN 19:21

Kala hi athumwui vang katang makhavai shiyan-chikan sāchingra. Makathar pheokhavai tara̱ kasirkharora a china awui kashankachon ngasa̱ra; kala tara̱ sakaza̱pa chi ngazin eina tangda matharmara.

MISHĀN 26:62

Kala athumwui mi mashing, mayarnao kachāngkhawui eina thuida chiwui atung saikora thing maga̱da kathumna, kaja athum Israelwui mibingwui mishānli mangarumana, khikhalajila Israel mibingwui alungli athumli shimlui mayarmana.

MISHĀN 3:7

Athumna tabernacleli otram ngatha̱da awui vang eina samphang khavai kachonshimwui mangāli khalei yarui ashangva̱wui vang otram ngatha̱ranu.

MISHĀN 35:29

“Kala hibing hi mithot kachida nathumwui somkhavai pam saikorali ainza kala shiyan-chikan sāki kajina.”

KHALATLUI 10:9

Chiwui vang Levina achinā ngarāwui thāda shimluiyar masamkaphangna; Proho nathumwui Varena hāngkahai thāda, Proho hi athumwui lanna).

JOSHUA 13:14

Levi shangli Mosesna shimlui mayarmana; Varena Mosesli kakaso thāda Israelwui Proho Vareli mei eina rikkatā kachigat chi athumwui shimluina.