MISHĀN 18:15 - Kathara Bible (BSI)

¹⁵ “Manglākapai pharākhare, milapai, lah sāyurlapai, Proholi kachigat chi nawui ngasāra; kha pharākhare mi, kala makathara sāyur nana ngatangkhuira.

MISHĀN 18:15 Iomraidhean Croise

2 WUNGNAOBING 12:5

pāngmon kachiva̱na kachichāwui theikhamasuibingwui eina khuirāda shim chipho kapaibing athumli chiphoranu.”

NEHEMIAH 10:37

dharreowui mathir, ithumwui vāk, ithumwui atheirongli khamathei atheiyur, drakhāra̱ kala thao, pāngmonbingwuili kala ithum Varewui shimli khalei kābing chili khuirā ngaroksa da mayā ngaroka; kala ithum ngaleiwui eina samkaphang tithe Levinaobingli khuivāmira, kaja ithumwui kha̱ saikorawui eina Levinaobingna tithe kazipkhuimi.

SHONGZĀ 13:15

Kaja Pharaohna ngakaishilak eina ithumli mathui khangasakwui vang, Prohona Egypt ngaleili pharākhare naomayara, mikumowui pharākhare eina thuida sāyurbingwui pharākhare eina tangda sāthatserhaowa. Chiwui vang awukwui eina shokkhare mayarnao katonga Proholi kachigatna, kha iwui ara-azāwui naochizai saikora ina ngatangkhui’ da hāngra.

SHONGZĀ 13:2

“Pharākhare saikora ili tharchigatlu, mi nilala, sha̱kei nilala, awukwui eina shokkhare chi iwuisera.”

SHONGZĀ 22:29

“Nawui mā khamin tharan kala athei-arai minda phākakhui tharan kachigat mahuipaimara. “Naomayara naochizai ili miphalungra.

SHONGZĀ 34:20

gadhānao pharākhare chi yaonao eina ngatangkhuira; kalikhada nana mangatangkhuingaiakha anao chi akahung shireishatmihaolu. Nathumwui naochizai saikora ngatangkhuiphalungra. “Kala iwui mangāli khipākha khamasai eina marāpaimana.”

MISHĀN 18:16

Kala kachāngkha kāhaiakha athumwui ngatangman chiya lupāsā shekel phangā, kathara shimwui shekelchākwui athishurda gerah maga̱ nana retmira.

MISHĀN 3:13

Athum iwui mi sāra kaja naochizai saikora iwuisera. Egypt ngaleili naochizaibing shaothatserhaithang, Israelwui naochizai, mila, sha̱keila katonga ina ikhalattawui vang tharchigat kahaina; athum iwui ngasāra: I Prohona.”

MISHĀN 3:46

Kala Levishi mayarnao mashingli lāngkahai Israel mibingwui naochizai shākhani kala hangshinida kathum chi ngatangkhui khavai,

KHALATLUI 15:19

“Nawui pharākhare avānao saikora, seilala, yaolala, nawui Proho Vare chili tharchigatki kajina; pharākhare sei eina ot masāpaimana kala pharākhare yaola yaohah machichappaimana.