MISHĀN 18:1 - Kathara Bible (BSI)

¹ Prohona Aaronli hānga, “Na kala nawui naomayarabing kala navāwui shimkhurbing nali ngasoda katharapamwui khayonkhamāng phungra; kala na eina nawui naomayarabingmāngna nali ngasoda pāngmonpamwui khayonkhamāng phungra.

MISHĀN 18:1 Iomraidhean Croise

SHONGZĀ 28:38

Chi Aaronwui khaveili hokthāngra, kala Israelnaobingna tharkhavai tharkachigat pha̱kaphayāwui khayonkhamāng chi Aaronna phungra; hi awui khaveili haichingra kaja Prohowui mangāli khuisangpai khavaina.”

ISAIAH 53:11

Amanglāna kachotwui heithei chi theida ningyāng ungra; iwui khangaronga raona awui awor eina, kachungkhali khamashungli shānsangra; kala athumwui khayonkhamāng ana phungmira.

ISAIAH 53:6

Yao thāda ithum saikora ma̱thuiserhaira, kachichā khalattawui apongli thuihaira; chieina ithum saikorawui morei awuitungli Prohona parmi.

EZEKIEL 4:4

“Chiwui thili nawui uishong ngashunglaga pilu, kala Israel shimkhurli ina tandi miki kaji chi nali mira; kaja nana zimiksho chiyākha pilakha eina tangda athumwui tandi chi phungpamra.

PĀNGMONSHI 10:17

“Nathumna khisāda suihamchigat sā chi katharapamli mashaimakhala, tharmathengmeikap kaji ot hi nathumli mikahaina kaja yarui ashangva̱wui morei phungmida Prohowui mangāli athumwui khayonwui vang pheomi khavai maningmala?

PĀNGMONSHI 22:16

chithāda athumli kathara otbing shaingasakta china athumli khayon chiphunra; kaja athumli tharkhame Proho chi ina.”

PĀNGMONSHI 22:9

“Chiwui vang eina athumna iwui kakaso mayonphalungra, chi maningakha athumna makathar kasā chitharan athum hiwui vang morei phungda thira; athumli tharkhangasaka Proho chi ina.

MISHĀN 14:34

Nathumna Canaanli akhayang zimiksho hangmati thangwui athishurda, thangkhana kumkha sāda, zingkum hangmati nathumwui khayonkhamāng phungra kala iwui ningyāng makhaung chi nathumna theira.’

MISHĀN 16:10

Ana nali kala Leviwui naomayarabing nachinā ngarāli ngasoda awui ngalemli rāngasak kahai maningmala? Laga nathumna pāngmon otpamla phāluifarala?

MISHĀN 17:13

Prohowui tabernacleli vākhanganai kachiva̱ thira. Ithum thiserhaorala?”

MISHĀN 17:3

kala Aaronwui aming Leviwui khāmshuitungli kapisanglu. Kaja shang ava̱va̱wui kathānawui khāmshui ava̱va̱ leira.

MISHĀN 17:7

Kala Mosesna khāmshui saikora chi ningkhami oko haikhavai kachonshimli Prohowui mangāli haimi.

MISHĀN 18:11

“Israel mibingwui lemmetchigat, kala athumwui khayitchigat saikora hila nawuina, na kala nawui naomayarabing, naongalāva̱bing, nali ngasokapamali ina mikharān yar metchang kahaina; nawui shimkhurli kathara mi kachiva̱na chi shaipaira.

MISHĀN 3:6

“Leviwui shangnaoli rānganai ngasaklu kala pāngmon Aaronwuili haimilu, chieina athumna ali otram ngatha̱ngajira.

KHALATLUI 10:8

Atam chitharan Prohona Levinaoli ngateida khaishoklaga, Prohowui tuingashitwui oko chi phungzat ngasaka kala awui mangāli nganingda otram ngatha̱ khavai, awui ming eina somi khavai sāda aja eina tangda chikathāna.

HEBREWNAO 13:17

Kathānabingwui kahāng nganāda athumwui thi shurlu. Athumwui otsak Vareli chitheiki jihaoda khangasām maleila athumna nathumwui manglāli yangmichingra. Nathumna kahāng nganaakha, athumna athumwui ot chi mathānthathup sāra, chi maningakha, athumna kakhanang eina sāra, chi nathumwui vang khikha kānkhanā maleimana.

HEBREWNAO 4:15

Ava ithumwui khangazanli malukhamashana pāngmon kharei maningmana. Lākhashong phaningakha, ithumwui thada alila suihaira, kha ava morei masālakmana.

1 PETER 2:24

Moreili thihailaga khamashung khangarong ot sākhavai, Khrista a khalattana ithumwui morei aphasāli ngasoda thingtungli phungmihaira.

WUNGVA̱-WUNGVĀ 17:12

Kala Micahna Levipa chili chipamda ana pāngmonpam chi mi, kala awui shimli pamruma.