MISHĀN 17:8 - Kathara Bible (BSI)

⁸ Kala akhama kathā Mosesna ningkhami oko haikhavai kachonshimli zanga; kala yanglu, Levi shimkhurpa Aaronwui khāmshui kharhairasai, awonla wonda almond khamin matheisai.

MISHĀN 17:8 Iomraidhean Croise

HAOKAPHOK 40:10

kala arong chili aphāng kathum leisai; ashon shokkhaleoda awon wona kala amazānbing chi athei matheida minhaowa.

LAA 110:2

Zionwui eina Prohona nawui pangshapwui khānthing chihorai. Nawui yangkashebingwui alungli munglu!

SOLOMONWUI LAA 2:3

Ngahongthing alungli theithukrong thāda, iwui leikashela yaronnaobingwui alungli chithai. Mathānlak eina awui khaya̱zingli ina pamkhui, kala awui athei ina khamazap tharan shima.

ISAIAH 4:2

Chithanghon Prohowui aphāng chi mathāshunra kala tekmateilakra, kala ram chiwui athei china Israelwui ringda khaleibingwui vang langso khavai kala tekmatei khavai ngasāra.

EZEKIEL 17:24

Chieina luili khalei thingrong saikorana, Prohona da theira, ina kajujuiya thing nem ngasakra, kala khanema thing juida phor ngasaka, khamateka thingrong theng ngasakra, kala kathenga thingrongli nganaozao eina khar ngasakluishitra. Proho Ina hāngkahaina, kala Ina chi sālakra.”

EZEKIEL 19:12

Kha malungvavāt eina arong phurshokta ngaleili horsanghaowa; zingshoshongwui masina thengmihaida atheila pa̱tāserhao. khamakanga akungla ngahuihaida meina chuitāhaowa.

EZEKIEL 19:14

Apam eina mei chuishokta aphāngla atheila chuitāserhaira, chithāda khamakanga akungla maleilui, khamungawui khānthing maleiluimana. Hi malung kharing otna, chapngachā khavaina.

MISHĀN 16:5

kala ana Corah eina ali khangasobing chili hānga, “Ngathorshong Prohona awui mi khipa, kala mi khipā katharakhala kaji chitheira, kala ana kapangkakhui mi chili angalemli rānganai ngasakra.

MISHĀN 17:5

Kala ina kapangkakhui mipāwui khāmshui chi ashon shonra; chithāda sāda Israel mibingna nawuitungli ngurngur matuiching kaji hi ina shimān ngasakhaora.”

MISHĀN 17:9

Chieina Mosesna khāmshui saikora chi Israelwui mibingli Prohowui mangāli khuishokchithei; kala athumna yangda kachichāwui khāmshui khui.

HEBREWNAO 9:4

Chili nganamkaphā riktā khavai sināwui hanphutpam sinā eina kharoma tuingashit oko hai. Oko chiwui alungli manna sangkhavai sinakhong, lijeili awon khawon Aaronwui khāmshui, kala ningkhami kapisang kahai lungphek khani chila sanghai.